ആഗസ്റ്റ് 9 വ്യാപാര ദിനാചരണത്തിന്റെ ഭാഗമായി സപ്തദിന പരിപാടികളുടെ അവസാന ദിവസമായ ഇന്ന് കേരള വ്യാപാരി വ്യവസായി. ഏകോപന സമിതി കുന്ദമംഗലം യൂണിറ്റ് വനിതാവിംഗ് കുതിരവട്ടം മാനസികാരോഗ്യ കേന്ദ്രത്തിലെ 500 ല് പരം അന്തേവാസികള്ക്ക് വസ്ത്ര ദാനം നടത്തി. പഞ്ചായത്ത് പ്രസിഡന്റ് ശ്രീമതി ലിജി പുല്ക്കുന്നമ്മല് മാനസിക ആരോഗ്യ കേന്ദ്രം സൂപ്രണ്ട് ടി രാജേന്ദ്രന് വസ്ത്രം നല്കി ഉദ്ഘാടനം നിര്വഹിച്ചു.
വനിതാ വിങ് പ്രസിഡന്റ് മഹിതയുടെ അദ്ധ്യക്ഷതയില് ചേര്ന്ന ചടങ്ങില് നിമ്മി സജി സ്വാഗതം പറഞ്ഞു ജില്ലാ സെക്രട്ടറി എം ബാബു മോന് , ജന: സെക്രട്ടറി, പി ജയശങ്കര്, യുണിറ്റ് ട്രഷറര് എന് വിനോദ്, വൈസ് പ്രസിഡണ്ടുമാരായ സുനില് കണ്ണോറ, ടിസി. സുമോദ്, യുത്ത് പ്രസിഡണ്ട് എന്വി അഷ്റഫ്, കെ കെ ജൗഹര് , മുഹമ്മദ് മുസ്തഫ, സജീര് ഫാമിലി, അബ്ദുള് നാസര് തുടങ്ങിയവര് സംസാരിച്ചു. പരിപാടിയില് ഒട്ടനവധി പേര് സംബന്ധിച്ചു. ചടങ്ങില് ആലീസ് ഏതന് സ് നന്ദി പറഞ്ഞു.
