പൊതു ഇടങ്ങള് കയ്യേറി കൊടിമരങ്ങള് സ്ഥാപിക്കുന്നതിനെതിരെ ഹൈക്കോടതി.കേരളത്തിന്റെ മുക്കിലും മൂലയിലും പൊതു ഇടങ്ങളില് കൊടിമരങ്ങളാണെന്ന് അഭിപ്രായപ്പെട്ട കോടതി ഇത്തരം കൊടിമരങ്ങള് പലപ്പോഴും ക്രമസമാധാന പ്രശ്നങ്ങളുണ്ടാക്കുന്നു എന്നും പറഞ്ഞു. മന്നം ഷുഗർമില്ലിന്റെ കവാടത്തിൽ സ്ഥാപിച്ച് കൊടിമരങ്ങൾ നീക്കം ചെയ്യണമെന്ന ഹർജിയിലാണ് ഹൈക്കോടതി ഇടപടെൽ.റോഡ് അരികിലും പൊതു ഇടങ്ങളിലും കൊടിമരങ്ങള് സ്ഥാപിക്കുന്നത് എന്ത് അടിസ്ഥാനത്തിലാണെന്നും ജസ്റ്റിസ് ദേവന് രാമചന്ദ്രന്ചോദിച്ചു.
റോഡ് അരികിലും പൊതു ഇടങ്ങളിലും ഇത്തരത്തില് അനധികൃതമായി കൊടിമരങ്ങള് സ്ഥാപിക്കുന്നത് തടയണം. ഇങ്ങനെ കൊടിമരങ്ങള് സ്ഥാപിക്കുന്നത് ഭൂസംരക്ഷണ നിയമത്തിന് വിരുദ്ധമാണെന്നും കോടതി പറഞ്ഞു.കേസിൽ തദ്ദേശ സ്വയംഭരണ വകുപ്പ് സെക്രട്ടറിയെ കേസില് കോടതി കക്ഷി ചേര്ത്തു. നവംബര് ഒന്നിന് സര്ക്കാര് നിലപാട് അറിയിക്കണമെന്നും കോടതി പറഞ്ഞു.
