മലപ്പുറം പാണ്ടിക്കാട് ഭർത്താവിന്റെ ആസിഡ് ആക്രമണത്തിൽ പരിക്കേറ്റ യുവതി മരിച്ചു. ചെമ്പ്രശ്ശേരി സ്വദേശി ഫഷാന ഷെറിന് ആണ് ശനിയാഴ്ച മരിച്ചത്. ഭര്ത്താവ് ഷാനവാസ് പരിക്കുകളോടെ ആശുപത്രിയില് ചികിത്സയിലാണ്.ഇരുവരും ഏറെ നാളായി അകന്ന് കഴിയുകയായിരുന്നു.കഴിഞ്ഞ ശനിയാഴ്ച തിരിച്ച് വരണം എന്നാവശ്യപ്പെട്ട് ഫഷാന താമസിക്കുന്ന വീടിന്റെ ഓട് പൊളിച്ച് അകത്ത് കയറിയായിരുന്നു ഷാനവാസ് ആസിഡ് ആക്രമണം നടത്തിയത്. വീടിനുള്ളില് കയറിയ ഷാനവാസ് മുറിക്കുള്ളില് കയറി കുറ്റിയിട്ട് ഫഷാനയുടെ ശരീരത്തില് ആസിഡ് ഒഴിക്കുകയായിരുന്നു. ആസിഡ് ദേഹത്ത് വീണു 50 ശതമാനം പൊള്ളലേറ്റ ഫഷാനയെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചിരുന്നു
