മുഖ്യമന്ത്രിസ്ഥാനം രാജിവച്ച് അന്വേഷണ ഏജന്സിക്ക് മുന്നില് എല്ലാം തുറന്നുപറയാന് പിണറായി വിജയന് തയ്യാറാകണമെന്ന് സംസ്ഥാന അധ്യക്ഷന് കെ.സുരേന്ദ്രന്. മുഖ്യമന്ത്രിയുടെ രാജി ആവശ്യപ്പെട്ടുള്ള പ്രതിഷേധം ശക്തമാക്കാന് ബിജെപി കോര് കമ്മിറ്റി യോഗം തീരുമാനിച്ചതായും സുരേന്ദ്രന് വ്യക്തമാക്കി. എത്രയും വേഗം നിയമത്തിന്റെ വഴിക്ക് മുന്നോട്ടുപോകാന് മുഖ്യമന്ത്രി തയ്യാറാകണമെന്നും കെ.സുരേന്ദ്രന് ആവശ്യപ്പെട്ടു.
എത്രകാലം ജനങ്ങളെ ഭയന്ന് പോകാന് കഴിയുമെന്ന കാര്യം മുഖ്യമന്ത്രി ആലോചിക്കണം. കേരളത്തിന്റെ ചരിത്രത്തിലാദ്യമായാണ് ഒരു മുഖ്യമന്ത്രിക്ക് ജനങ്ങളെ ഭയന്ന് സ്വന്തം വീട്ടില് അന്തിയുറങ്ങാന് കഴിയാത്ത അവസ്ഥയുണ്ടായിരിക്കുന്നതെന്നും കെ.സുരേന്ദ്രന് ആരോപിച്ചു.
സ്വപ്ന സുരേഷിന്റെ അഭിഭാഷകന് അഡ്വ. കൃഷ്ണരാജിനെ അറസ്റ്റ് ചെയ്താല് ആയിരം അഭിഭാഷകരെ ഇറക്കുമെന്നും അദ്ദേഹം അഭിപ്രായപ്പെട്ടു. അവര് അനാഥായാകുമെന്ന് കരുതിയവര്ക്ക് തെറ്റിയെന്നും കെ സുരേന്ദ്രന് പറഞ്ഞു.
