കണ്ണൂരിൽനിന്നും മുഖ്യമന്ത്രി പിണറായി വിജയൻ തലസ്ഥാനത്ത് മടങ്ങിയെത്തി. മുഖ്യമന്ത്രിക്കു കനത്ത സുരക്ഷയാണ് പൊലീസ് ഒരുക്കിയിരുന്നത്. മുഖ്യമന്ത്രി സഞ്ചരിച്ച വിമാനത്തിലും പ്രതിഷേധമുണ്ടായി. യൂത്ത് കോൺഗ്രസ് പ്രവർത്തകരാണ് പ്രതിഷേധിച്ചത് മുദ്രവാക്യം വിളിച്ച് പ്രതിഷേധിച്ചവരെ ഇപി ജയരാജന് തള്ളിമാറ്റി. യൂത്ത് കോൺഗ്രസുകാരെ ജാമ്യമില്ലാ വകുപ്പ് പ്രകാരം അറസ്റ്റ് ചെയ്യും എന്നാണ് വിവരം.യൂത്ത് കോണ്ഗ്രസ് പ്രവര്ത്തകരായ ഫര്ദീന് മജീദ്, നവീന്കുമാര് എന്നിവരാണ് പ്രതിഷേധിച്ചത്.തിരുവനന്തപുരത്തേക്ക് പോകാനുള്ള ടിക്കറ്റ് കൈവശമുണ്ടായിരുന്നത് കൊണ്ടും ചോദ്യം ചെയ്തതിൽ മറ്റ് പ്രശ്നങ്ങൾ ഇല്ല എന്ന് മനസിലായത് കൊണ്ടുമാണ് ഇവരെ യാത്ര ചെയ്യാൻ അനുവദിച്ചതെന്ന് പൊലീസ് പറയുന്നത്. അതേസമയം വിമാനത്തിനുള്ളില് പ്രതിഷേധിച്ചവരെ നേരിട്ട സംഭവത്തില് വിശദീകരണവുമായി എല്ഡിഎഫ് കണ്വീനര് ഇ പി ജയരാജന്. വിമാനത്തില് പ്രതിഷേധിക്കാരെത്തിയത് മദ്യപിച്ചെന്നാണ് ഇ പി ജയരാജന് പറയുന്നത്. മുദ്രാവാക്യം വിളിക്കുമ്പോള് നാക്ക് കുഴയുന്നുണ്ടായിരുന്നെന്നും ഇ പി പറഞ്ഞു. വിമാനം ലാന്ഡ് ചെയ്ത് കഴിഞ്ഞപ്പോള് മുഖ്യമന്ത്രി ഇറങ്ങി വാഹനത്തിലേക്ക് പോയി.
