രാജ്യത്ത് ആദ്യമായി കോവിഡ് സ്ഥിരീകരിച്ച തൃശൂരിലെ പെണ്കുട്ടിക്ക് വീണ്ടും രോഗം സ്ഥിരീകരിച്ചുവുഹാനിൽ മെഡിക്കല് വിദ്യാര്ഥിനി ആയിരുന്ന തൃശ്ശൂര് സ്വദേശിനിക്കാണ് വീണ്ടും കോവിഡ് സ്ഥിരീകരിച്ചത്.
പെണ്കുട്ടിക്ക് കോവിഡ് ലക്ഷണങ്ങള് ഇല്ലെന്ന് തൃശ്ശൂര് ജില്ലാ മെഡിക്കല് ഓഫീസര് അറിയിച്ചു. ഇവര് ഡല്ഹിക്ക് പോകുന്നതിനായി നടത്തിയ പരിശോധനയിലാണ് വീണ്ടും കോവിഡ് സ്ഥിരീകരിച്ചത്. കുട്ടി വാക്സിനെടുത്തിരുന്നില്ല.
ഇവര്ക്ക് ആരോഗ്യപ്രശ്നങ്ങളൊന്നുമില്ലെന്നും ഡിഎംഒ അറിയിച്ചു. ആദ്യതവണ കോവിഡ് സ്ഥിരീകരിച്ചപ്പോള് ഇവര്ക്ക് കോവിഡ് ലക്ഷണങ്ങള് ഉണ്ടായിരുന്നു.
വുഹാനില് കോവിഡ് 19 വ്യാപനം രൂക്ഷമായിരുന്ന സമയത്താണ് അവിടെ മെഡിക്കല് പഠനത്തിലായിരുന്ന പെൺകുട്ടി മടങ്ങിയെത്തിയത്.2020 ജനുവരി 30നാണ് പെണ്കുട്ടിക്ക് രോഗം സ്ഥിരീകരിച്ചത്. ജനുവരി 21ന് സംസ്ഥാനത്ത് ജാഗ്രതാ നിര്ദേശം നല്കി ഒന്പത് ദിവസം കഴിഞ്ഞപ്പോഴായിരുന്നു പെണ്കുട്ടിക്ക് രോഗം സ്ഥിരീകരിച്ചത്. രണ്ടാമത്തെ കൊറോണ വൈറസ് ബാധ സ്ഥിരീകരിച്ചത് ആലപ്പുഴയില് വുഹാനില്നിന്നെത്തിയ മെഡിക്കല് വിദ്യാര്ത്ഥിക്ക് ആയിരുന്നു.
