സംസ്ഥാനത്തെ മദ്യ വില്പ്പനശാലകളുടെ പ്രവൃത്തി സമയം കൂട്ടി.ഇന്ന് മുതല് അധികസമയം മദ്യ വില്പ്പനശാലകൾ പ്രവര്ത്തിക്കും. രാവിലെ ഒമ്പത് മുതൽ രാത്രി എട്ടു വരെ ആയിരിക്കും ഇനി മുതൽ സംസ്ഥാനത്തെ മദ്യവിൽപനശാലകൾ പ്രവർത്തിക്കുക. ഓണത്തിരക്ക് കണക്കിലെടുത്താണ് മദ്യശാലകളുടെ സമയം കൂട്ടുന്നതെന്നാണ് സര്ക്കാര് വിശദീകരിക്കുന്നത്. പുതുക്കിയ സമയം ബെവ് കോ, കണ്സ്യൂമര് ഫെഡ് ഔട്ട് ലെറ്റുകള്ക്ക് ബാധകമായിരിക്കും.ആള്ക്കൂട്ടം നിയന്ത്രിക്കാനാവില്ലെങ്കില് മദ്യവില്പ്പനശാലകള് അടച്ചിടണമെന്ന് കഴിഞ്ഞ ദിവസം ഹൈക്കോടതി സര്ക്കാരിനെതിരെ വിമര്ശനം ഉന്നയിച്ചിരുന്നു. മാന്യമായി മദ്യം വാങ്ങാന് സൗകര്യങ്ങള് ഒരുക്കുകയാണ് വേണ്ടതെന്നും കോടതി വാക്കാല് നിര്ദേശിച്ചു.. ഇത് കൂടി കണക്കിലെടുത്താണ് ബെവ്കോ ഔട്ട്ലെറ്റുകളുടെ പ്രവർത്തന സമയം നീട്ടാൻ സര്ക്കാര് തീരുമാനിച്ചത്. കോടതി നിരീക്ഷണം പുറത്തുവന്നതിന് പിന്നാലെ സംസ്ഥാനത്തെ മദ്യശാലകളില്നിന്ന് മദ്യം വാങ്ങാന് ബെവ്കോ പുതിയ മാര്ഗനിര്ദേശവും പുറത്തിറക്കിയിട്ടുണ്ട്. ഒരു ഡോസ് വാക്സിനെടുത്തതിന്റെ രേഖയോ ആര്.ടി.പി.സി.ആര്. സര്ട്ടിഫിക്കറ്റോ ഉള്ളവര്ക്ക് മാത്രമേ ഇനി മുതല് മദ്യം വാങ്ങാനാകൂ. ഇന്നലെ മുതലാണ് ഈ നിബന്ധന വിൽപ്പനശാലകളിൽ നടപ്പാക്കി തുടങ്ങിയത് .
