കാട്ടാക്കട ബസ് ഡിപ്പോയിൽ അമിത വേഗതയിൽ എത്തിയ ബസ് ഇടിച്ച് വിദ്യാർഥി മരിച്ചു. കാട്ടാക്കട ക്രിസ്ത്യൻ കോളേജിലെ ഒന്നാം വർഷ ഡിഗ്രി വിദ്യാർഥി അബന്യയാണ് മരിച്ചത്. ഡിപ്പോയിൽ ആളുകൾക്കിടയിൽ ബസ് കാത്ത് നിൽക്കായിരുന്നു വിദ്യാർത്ഥിനി. 4 മണിക്ക് പോകേണ്ട വിഴിഞ്ഞം ബസ് സ്‌റ്റോപ്പിലേക്ക് അമിത വേഗത്തിൽ എത്തുകയായിരുന്നു എന്നും ഇതാണ് അപകട കാരണം എന്നുമാണ് ദൃക്‌സാക്ഷികൾ പറയുന്നത്. ബസ് ഇടിച്ചിട്ട ശേഷം കെട്ടിടത്തിന്റെ തൂണിൽ ഇടിച്ചു നിന്നതിനാലാണ് വൻ അപകടം ഒഴിവായത്. അപകടം ഉണ്ടായതോടെ ഡ്രൈവർ രാമചന്ദ്രൻ നായർ വാഹനത്തിൽ നിന്നും ഇറങ്ങി ഓടി. .
