സംസ്ഥാനത്തെ മുള്മുനയില് നിര്ത്തിയും ജനങ്ങളെ ചോരയില് മുക്കിയും വിവാദങ്ങളില് നിന്നു രക്ഷപ്പെടാമെന്ന് കരുതേണ്ടെന്ന് മുന് മുഖ്യമന്ത്രി ഉമ്മന് ചാണ്ടി. പാര്ട്ടിയും പൊലീസും ചേര്ന്ന് ക്രമസമാധാനനില തകര്ത്തെന്നും അദ്ദേഹം ആരോപിച്ചു.
പ്രതിപക്ഷനേതാവിന്റെ വീടും കെപിസിസി ഓഫീസും ഉള്പ്പെടെയുള്ള കോണ്ഗ്രസ് ഓഫീസുകള് സംസ്ഥാനത്തുടനീളം അടിച്ചു തകര്ക്കുകയും കോണ്ഗ്രസ് പ്രവര്ത്തകരെ പൊലീസും പാര്ട്ടിക്കാരും ചേര്ന്ന് വളഞ്ഞിട്ട് ആക്രമിക്കുകയും ചെയ്യുന്ന അരാജകത്വത്തിലേക്ക് കേരളം കൂപ്പുകുത്തിയെന്ന് ഉമ്മന്ചാണ്ടി ചൂണ്ടികാട്ടി.
എന് കെ പ്രേമചന്ദ്രന് എംപിക്ക് ലാത്തിച്ചാര്ജില് പരിക്കേറ്റു. യൂത്ത് കോണ്ഗ്രസ് ഇടുക്കി ജില്ലാ സെക്രട്ടറി ബിലാലിന്റെ വലതു കണ്ണാണ് പൊലീസ് ലാത്തിക്കടിച്ചു തകര്ത്തത്. നൂറുകണക്കിനു പ്രവര്ത്തകര്ക്കു പരിക്കേറ്റു. പാര്ട്ടി പ്രവര്ത്തകര് പൊലീസിനോടൊപ്പം ചേര്ന്നാണ് നരനായാട്ട് നടത്തുന്നതെന്നും ഉമ്മന്ചാണ്ടി പറഞ്ഞു.
