കുവൈറ്റ് ലേബര് ക്യാമ്പിലുണ്ടായ തീപിടുത്തത്തില് മരിച്ചവരുടെ മൃതദേഹങ്ങളുമായി വ്യോമസേന വിമാനം കൊച്ചിയില് എത്തി. 23 മലയാളികളുടേതുള്പ്പെടെ 45 പേരുടെ മൃതദേഹവുമായാണ് വ്യോമസേനാ വിമാനം കൊച്ചിയില് എത്തിയത്. മുഖ്യമന്ത്രി പിണറായി വിജയന്, കേന്ദ്ര സഹമന്ത്രി സുരേഷ് ഗോപി, സംസ്ഥാന മന്ത്രിമാര് തുടങ്ങിയവര് മൃതദേഹങ്ങള് ഏറ്റുവാങ്ങുന്നതിനായി വിമാനത്താവളത്തില് എത്തി.
വിദേശകാര്യ സഹമന്ത്രി കീര്ത്തി വര്ധന് സിങ്ങും വിമാനത്തിലുണ്ട്. 6.20-ഓടെയാണ് വിമാനം കുവൈറ്റില് നിന്ന് പുറപ്പെട്ടത്. കൊച്ചിയില്നിന്നു മൃതദേഹങ്ങള് പ്രത്യേകം ആംബുലന്സുകളില് മൃതദേഹം വീടുകളിലെത്തിക്കും. വ്യാമസേനയുടെ സി130 ജെ വിമാനത്തിലാണ് മൃതദേഹങ്ങള് എത്തിച്ചത്. 23 മലയാളികള്, 7 തമിഴ്നാട് സ്വദേശികള്, ഒരു കര്ണാടക സ്വദേശി എന്നിവരുടെ മൃതദേഹങ്ങളാണു കൊച്ചിയില് കൈമാറുക.
മൃതദേഹങ്ങള് വിട്ടുനല്കുന്നതിനുള്ള നടപടി വേഗത്തിലാക്കുമെന്ന് എറണാകുളം ജില്ലാ കളക്ടര് എന്എസ്കെ ഉമേഷ് അറിയിച്ചു.
