ടെല്അവീവ്: ഇസ്രായേല് പ്രധാനമന്ത്രി ബെഞ്ചമിന് നെതന്യാഹുവും പ്രതിരോധ മന്ത്രി ഇസ്രായേല് കാറ്റ്സും ബങ്കറിലെന്ന് സിഎന്എന് റിപ്പോര്ട്ട്. ഇറാന്റെ തിരിച്ചടിക്ക് ശേഷമുള്ള സാഹചര്യം ബങ്കറിലിരുന്ന് ഇരുവരും വിലയിരുത്തിയെന്ന് ഇസ്രയേലി ഉദ്യോഗസ്ഥനെ ഉദ്ധരിച്ച് സിഎന്എന് റിപ്പോര്ട്ട് ചെയ്യുന്നു. അമേരിക്കന് പ്രസിഡന്റ് ഡോണള്ഡ് ട്രംപുമായി വെള്ളിയാഴ്ച നെതന്യാഹു സംസാരിച്ചതായി വൈറ്റ് ഹൗസ് ഉദ്യോഗസ്ഥന് പറഞ്ഞിരുന്നു.
ഇതിനിടെ ഇസ്രയേലിലെ സൈനിക കേന്ദ്രങ്ങളെയും വ്യോമതാവളങ്ങളെയും ലക്ഷ്യമിട്ടതായി ഇറാന്റെ ഇസ്ലാമിക് റെവല്യൂഷണറി ഗാര്ഡ് കോര്പ്സ് അറിയിച്ചു. വീണ്ടും ഇസ്രായേല് ആക്രമണം നടത്തിയ സാഹചര്യത്തില് ടെഹ്റാന്റെ വ്യോമ പ്രതിരോധ സംവിധാനം നിലവില് സജീവമാണെന്നും ഇറാനിയന് വാര്ത്താ ഏജന്സികളെ ഉദ്ധരിച്ച് സിഎന്എന് റിപ്പോര്ട്ട് ചെയ്തു. ഇതിനിടെ ഇറാന് നടത്തിയ ആക്രമണത്തില് ഇസ്രയേലില് മൂന്ന് പേര് കൊല്ലപ്പെട്ടതായി റിപ്പോര്ട്ടുകളുണ്ട്.
