മലയാളികള്ക്ക് അഭിമാനമായി ആലപ്പുഴ സ്വദേശിനി ദ്വാദശി എം പിള്ള. വിവിധ രാജ്യങ്ങളിലെ ഏറ്റവും കൂടുതല് വിവിധമുഖനാണയങ്ങളായ 1056 നാണയങ്ങളും, 223 കറന്സി നോട്ടുകളും ശേഖരിച്ച് ഇന്ത്യ ബുക്ക് ഓഫ് റെക്കോര്ഡില് സ്ഥാനം നേടി ആലപ്പുഴയിലെ ചുനക്കര സ്വദേശിനി ദ്വാദശി എം പിള്ള.
66 രാജ്യങ്ങളില് നിന്നുള്ള 1056 വ്യത്യസ്ത നാണയങ്ങള്, 54 രാജ്യങ്ങളില് നിന്നുള്ള 223 കറന്സി നോട്ടുകള് എന്നിവയായിരുന്നു ദ്വാദശിയുടെ ശേഖരം. ഈ ശേഖരത്തില് റഷ്യ, സൗദി അറേബ്യ, യുണൈറ്റഡ് കിംഗ്ഡം, ജപ്പാന്, ഇന്ത്യ എന്നിവയുള്പ്പെടെയുള്ള വിവിധ രാജ്യങ്ങള് ഉള്പ്പെടുന്നു.
ചുനക്കരതെക്ക് കല്പക വീട്ടില് മഹേഷ് കുമാര് പിള്ളയുടെയും ദീപ ആര് നായരുടെയും മകളാണ് ഈ കുട്ടി പ്രതിഭ. സെന്റ് ജോസഫ് കോണ്വെന്റ് ഇംഗ്ലീഷ് മീഡിയം സ്കൂളില് ആറാം ക്ലാസ് വിദ്യാര്ത്ഥിനിയാണ് ദ്വാദശി എം പിള്ള. ലോകത്തിലെ ഏകദേശം 100 രാജ്യങ്ങളുടെ കറന്സികളുടെ പേരുകള് മന:പാഠമായി പറയാനുള്ള കഴിവും ഈ ദ്വാദശിക്കുണ്ട്.
