പല തവണ വിളിച്ചാലും തനിക്ക് അടുപ്പമുള്ള ഒരു മന്ത്രി ഫോണ് എടുക്കില്ലെന്ന് യു പ്രതിഭ എംഎല്എ. വ്യക്തിപരമായ കാര്യങ്ങള് പറയാനല്ല വിളിക്കുന്നത്. അത് മന്ത്രി തിരിച്ചറിയണമെന്നും പ്രതിഭ എംഎല്എ പറഞ്ഞു. വി ശിവന്കുട്ടി കൂടി പങ്കെടുത്ത ചടങ്ങിലായിരുന്നു മന്ത്രിയുടെ പേര് പറയാതെയുള്ള വിമര്ശനം.
എംഎല്എയുടെ വാക്കുകള്
‘തിരക്ക് ഉണ്ടാവുമെന്ന് കരുതി നൂറ് വട്ടം ആലോചിച്ചിട്ടാണ് മന്ത്രിയെ വിളിക്കുന്നത്. നമ്മളാരും നമ്മളുടെ വ്യക്തിപരമായ കാര്യം പറയാനല്ല വിളിക്കുന്നത്. എന്നാല് ഞങ്ങളെയൊക്കെ വ്യക്തിപരമായ കാര്യം പറയാന് നിരവധി പേര് വിളിക്കാറുണ്ട്. എന്നോടെക്കെ സങ്കടം പറയാനായി നിരവധി കുട്ടികളും സ്ത്രീകളും വിളിക്കാറുണ്ട്. ചിലപ്പോള് ചിലത് എടുക്കാന് കഴിയാറില്ല. എടുക്കാന് കഴിഞ്ഞില്ലെങ്കില് ആരെയെങ്കിലും കൊണ്ട് തിരിച്ചുവിളിപ്പിക്കാന് ശ്രമിക്കാറുണ്ട്. പക്ഷെ ഞങ്ങളുടെ വിഷമം എന്ന് പറയുന്നത്, ആപൂര്വമായി മാത്രമാണ് മന്ത്രിമാരെ വിളിക്കുന്നതെന്നും’ പ്രതിഭ പറഞ്ഞു.
