ബലാത്സംഗക്കേസിലെ പരാതിക്കാരിക്ക് പെരുമ്പാവൂര് എംഎല്എ എല്ദോസ് കുന്നപ്പിള്ളിയുടെ ഭീഷണി സന്ദേശം.ഇന്നലെ പുലർച്ചെ 2.20 ന് പരാതിക്കാരിയുടെ സുഹൃത്തായ കേസിലെ പ്രധാന സാക്ഷിക്കാണ് എം.എൽ.എ ഭീഷണി സന്ദേശമയച്ചത്.
സന്ദേശത്തില് പറയുന്നത്: ”എന്നെ ചതിച്ച നീയും നിന്റെ കുടുംബവും ഞാന് വിശ്വസിക്കുന്ന കര്ത്താവായ യേശു കൃസ്തു പകരം തക്കതായ മറുപടി തരും. എനിക്ക് നല്ല വിശ്വാസമുണ്ട്. പണത്തിന് വേണ്ടിയുള്ള കൊതി തീരുമ്പോള് സ്വയം ചിന്തിക്കുക. ഞാന് അതിജീവിക്കും. കര്ത്താവെന്റെ കൂടെയുണ്ടാകും.”
അതേസമയം കേസിലെ പരാതിക്കാരി കോവളം മുന് എസ്.എച്ച്.ഒയ്ക്കെതിരെ ജില്ലാം ക്രൈംബ്രാഞ്ചിന് പരാതി നല്കി. എസ്.എച്ച്.ഒ പ്രൈജു കൈക്കൂലി വാങ്ങി കേസ് അട്ടിമറിക്കാന് ശ്രമിച്ചെന്നാണ് പരാതി. വിജിലന്സിനും പരാതി നല്കുമെന്ന് പരാതിക്കാരി പറഞ്ഞു.എംഎൽഎ എവിടെയാണെന്ന് പാർട്ടി നേതാക്കൾക്കോ പ്രവർത്തകർക്കോ വ്യക്തതയില്ല. എംഎൽഎയെ ഫോണില് ബന്ധപ്പെടാന് കഴിയുന്നില്ലെന്നാണ് പ്രതിപക്ഷ നേതാവ് വി ഡി സതീശൻ ഇന്ന് മാധ്യമങ്ങളോട് പ്രതികരിച്ചത്
