ഒല്ലൂര് എസ് ഐയെ കൊണ്ട് സല്യൂട്ട് ചെയ്യിച്ച് സുരേഷ്ഗോപി എം പി. പുത്തൂരില് ചുഴലിക്കാറ്റ് വീശിയ പ്രദേശം സന്ദര്ശിക്കുന്നതിനിടെയാണ് സംഭവം. തന്നെ കണ്ടിട്ടും ജീപ്പില് നിന്നിറങ്ങാതിരുന്ന എസ് ഐയെ വിളിച്ചുവരുത്തിയാണ് സല്യൂട്ട് ചെയ്യിച്ചത്.
‘ഞാനൊരു എം.പിയാണ് ഒരു സല്യൂട്ട് ആകാം. ആ ശീലമൊക്കെ മറക്കരുതേ, ഞാന് മേയര് അല്ല’ എന്ന് സുരേഷ് ഗോപി പറഞ്ഞതോടെ എസ്.ഐ സല്യൂട്ട് അടിക്കുകയും ചെയ്തു.
തനിക്ക് സല്ല്യൂട്ട് ലഭിക്കുന്നില്ലെന്ന തൃശൂര് മേയറുടെ പരാതിക്ക് പിന്നാലെ ഡ്യൂട്ടിയിലുള്ള പ്രത്യേകിച്ച് പൊതു നിരത്തിലുള്ള പൊലീസുകാര് എംപി മാര്ക്കും എംഎല്എമാര്ക്കും സല്ല്യൂട്ട് നല്കാറില്ലായിരുന്നു. പ്രോട്ടോക്കോള് പ്രകാരം ഗവര്ണര്, കേന്ദ്ര സംസ്ഥാന മന്ത്രിമാര്, പൊലീസ് റാങ്കിലുള്ള ഡിജിപി, എഡിജിപി, ഐജി ഡിഐജിമാര് സുപ്രീം കോടതി ഹൈക്കോടതി ജഡ്ജിമാര് എന്നിവര്ക്ക് സല്ല്യൂട്ട് നല്കണമെന്നാണ് നിര്ദ്ദേശമുള്ളത്. നിലവില് എംപിക്കും എംഎല്എമാര്ക്ക് സല്ല്യൂട്ട് നല്കണമെന്ന് ചട്ടത്തില് നിര്ദ്ദേശിക്കുന്നില്ല.
ഈ വീഡിയോ ഇപ്പോള് സമൂഹമാധ്യമങ്ങളില് വൈറലാകുന്നുണ്ട്.
