കോഴിക്കോട്: അത്തോളിയില് യുവതിയെ കൊലപ്പെടുത്താന് ശ്രമിച്ചു. പേരാമ്പ്ര സ്വദേശിയായ യുവതിക്ക് നേരെയാണ് ആക്രമണമുണ്ടായത്. പ്രണയാഭ്യര്ത്ഥന നിരസിച്ചതിനെ തുടര്ന്ന് കുടക്കല്ല് സ്വദേശി മഷ്ഹൂദ് ആണ് ടെക്സ്റ്റൈല് ജീവനക്കാരിയായ യുവതിയെ ആക്രമിച്ചത്. കഴുത്തിന് കുത്തേറ്റ യുവതിയെ ആശുപത്രിയില് പ്രവേശിപ്പിച്ചു. അത്തോളി സഹകരണ ആശുപത്രിക്ക് സമീപത്തുവച്ചായിരുന്നു സംഭവം. യുവതിയുടെ പരാതിയില് മഷ്ഹൂദിനെതിരെ വധശ്രമത്തിന് കേസെടുത്തു.
