കനത്ത മൂടൽമഞ്ഞ് നിറഞ്ഞ രാജ്യതലസ്ഥാനത്ത് ചൊവ്വാഴ്ച രാവിലെയും വ്യോമഗതാഗതം താറുമാറായി. രാവിലെ പുറപ്പെടേണ്ടിയിരുന്ന 17 വിമാനങ്ങള് റദ്ദാക്കുകയും 30 സര്വീസുകള് വൈകുകയും ചെയ്തു. വടക്കേ ഇന്ത്യയിൽ വരും ദിവസങ്ങളിലും കാലാവസ്ഥ ഇതേ രീതിയിൽ തന്നെ തുടരുമെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.പുലര്ച്ചെ 5.30ന് ഡല്ഹി പാലം വിമാനത്താവളത്തിലും സഫ്ദര്ജംഗ് വിമാനത്താവളത്തിലും 500 മീറ്ററില് താഴെയായിരുന്നു ദൂരക്കാഴ്ചയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. മൂടല് മഞ്ഞ് പോലെ കാഴ്ച തടസ്സപ്പെടുന്ന സാഹചര്യങ്ങളിലും വിമാനം ലാന്റ് ചെയ്യാനും പറന്നുയരാനും പരിശീലനം സിദ്ധിച്ചിട്ടുള്ള CAT-III പൈലറ്റുമാർക്ക് 50 മീറ്റര് മാത്രം ദൂരത്തിൽ കാഴ്ച സാധ്യമാവുന്ന സമയത്ത് പോലും ലാന്റ് ചെയ്യാനും 125 മീറ്റര് വിസിബിലിറ്റിയുണ്ടെങ്കില് ടേക്കോഫ് ചെയ്യാനും സാധിക്കുമെന്ന് വിമാനത്താവള അധികൃതര് പറഞ്ഞു.വിമാനത്താവളത്തിൽ ടോക്കോഫും ലാന്റിങും തുടരുന്നുണ്ടെങ്കിലും CAT III പൈലറ്റുമാരില്ലാത്ത സര്വീസുകള് തടസപ്പെടാന് സാധ്യതയുണ്ടെന്ന് രാവില് ഡൽഹി എയര്പോര്ട്ട് അധികൃതര് പുറത്തിറക്കിയ അറിയിപ്പില് പറയുന്നു. യാത്രക്കാര് അതത് വിമാനക്കമ്പനികളുമായി ബന്ധപ്പെട്ട് സര്വീസുകളുടെ കാര്യം ഉറപ്പാക്കണം എന്നാണ് നിര്ദേശം. അതേസമയം മൂന്ന് മണിക്കൂറില് കൂടുതല് വൈകാന് സാധ്യതയുള്ള സര്വീസുകള് റദ്ദാക്കണമെന്നും ഇത് സംബന്ധിച്ച് യാത്രക്കാര്ക്ക് നേരത്തെ തന്നെ അറിയിപ്പ് നല്കണമെന്നും സിവില് വ്യോമയാന ഡയറക്ടറേറ്റ് തിങ്കളാഴ്ച വിമാന കമ്പനികള്ക്ക് നല്കിയ നിര്ദേശത്തിൽ പറയുന്നു.
Related Posts
ഏഴ് ക്രിട്ടിക്കല് ബൂത്തുകള് ഉള്പ്പടെ ജില്ലയില് 1000 പ്രശ്നബാധിത
ഏഴ് ക്രിട്ടിക്കല് ബൂത്തുകള് ഉള്പ്പടെ ജില്ലയില് 1000 പ്രശ്നബാധിത ബൂത്തുകള്. കോഴിക്കോട് ജില്ലാ റൂറല്
November 28, 2020
‘ബി.ജെ.പിയുടെ സുഹൃത്തുക്കൾ ഡൽഹിയിലെത്തുമ്പോൾ ചുവന്ന പരവതാനി; കർഷകർ ഡൽഹിയിലേക്ക്
കാർഷിക നിയമങ്ങൾക്കെതിരെ പ്രതിഷേധിച്ച കർഷകരെ അടിച്ചമർത്താൻ ശ്രമിക്കുന്നതിനെതിരെ കോൺഗ്രസ് നേതാക്കളായ രാഹുൽ ഗാന്ധിയും പ്രിയങ്ക
November 28, 2020
ഡേവിഡ് വാര്ണര്ക്ക് പരിക്ക്, ഇന്ത്യക്കെതിരായ മൂന്നാം ഏകദിനത്തില് കളിക്കില്ല
ഇന്ത്യക്കെതിരായ രണ്ടാം ഏകദിനത്തിനിടെ ഫീൽഡ് ചെയ്യവെ ആസ്ട്രേലിയന് ഓപ്പണിങ് ബാറ്റ്സ്മാന് ഡേവിഡ് വാർണർ പരിക്കേറ്റ്
November 30, 2020
കര്ഷക നിയമങ്ങള്ക്ക് എതിരെ പ്രമേയം അവതരിപ്പിച്ച് മുഖ്യമന്ത്രി
കേന്ദ്ര കാര്ഷിക നിയമങ്ങള്ക്ക് എതിരെ പ്രമേയം അവതരിപ്പിച്ച് മുഖ്യമന്ത്രി പിണറായി വിജയന്.വില തകര്ച്ചയും കര്ഷക
December 31, 2020