കണ്ണൂരിൽ എട്ടാംക്ലാസുകാരി ജീവനൊടുക്കിയ സംഭവത്തില് രണ്ട് അധ്യാപകര്ക്കെതിരേ പോലീസ് കേസെടുത്തു. ആത്മഹത്യ കുറിപ്പിൽ പേരുള്ള ക്ലാസ് അധ്യാപിക സോജ, കായികാധ്യാപകന് രാഗേഷ് എന്നിവര്ക്കെതിരേ പോലീസ് കേസെടുത്തത്. ആത്മഹത്യാപ്രേരണാക്കുറ്റമാണ് രണ്ടുപേര്ക്കും എതിരേ ചുമത്തിയിരിക്കുന്നത്.കഴിഞ്ഞ വ്യാഴാഴ്ചയാണ് പെരളശ്ശേരി എ.കെ.ജി. ഗവ. ഹയര്സെക്കന്ഡറി സ്കൂളിലെ വിദ്യാര്ഥിനി റിയ പ്രവീണിനെ വീട്ടില് ജീവനൊടുക്കിയനിലയില് കണ്ടെത്തിയത്. വിദ്യാര്ഥിനിയുടെ ആത്മഹത്യാക്കുറിപ്പും പോലീസ് കണ്ടെടുത്തിരുന്നു.റിയ ഉള്പ്പെടെയുള്ള കുട്ടികള് കൈയില് മഷി പുരട്ടി ബെഞ്ചിലും ഭിത്തിയിലും പതിപ്പിച്ചെന്ന് ആരോപിച്ച് അധ്യാപകര് ശകാരിച്ചിരുന്നതായും ഇതില് മനംനൊന്താണ് പെണ്കുട്ടി ജീവനൊടുക്കിയതെന്നുമാണ് ആരോപണം.
