കരിപ്പൂരിൽ വൻ സ്വർണ്ണവേട്ട; ഒരു കിലോയിലധികം വരുന്ന സ്വർണ്ണം പിടികൂടി, രണ്ടു പേർ കസ്റ്റഡിയിൽ
കരിപ്പൂരിൽ പൊലീസ് നടത്തിയ സ്വർണവേട്ടയിൽ രണ്ടു പേർ അറസ്റ്റിലായി. ഷാർജയിൽ നിന്ന് കടത്തിയ 1.119 കിലോ സ്വർണമാണ് പിടികൂടിയത്. ഷാർജയിൽ നിന്നെത്തിയ കോഴിക്കോട് നാദാപുരം സ്വദേശി പുതിയോട്ടിൽ മുഹമ്മദ് ആസിഫാണ് സ്വർണം കടത്താൻ ശ്രമിച്ചത്.
കസ്റ്റംസ് പരിശോധന പൂർത്തിയാക്കി പുറത്തിറങ്ങിയ ശേഷമാണ് പൊലീസ് പിടിയിലായത്
മിശ്രിത രൂപത്തിലുള്ള സ്വർണം ശരീരത്തിലെ രഹസ്യ ഭാഗത്ത് ഒളിപ്പിച്ചാണ് കടത്താൻ ശ്രമിച്ചത്. മുഹമ്മദ് ആസിഫിനെ സ്വീകരിക്കാനെത്തിയ മലപ്പുറം മമ്പാട് സ്വദേശി മുഹമ്മദ് യാസിറിനെയും പൊലീസ് കസ്റ്റഡിയിലെടുത്തു.
