ചികിത്സയിലായതിനാലാണ് തിരുവനന്തപുരത്ത് ഗവർണർക്കെതിരെ ഇടതുമുന്നണി നടത്തിയ രാജ്ഭവൻ ഉപരോധ സമരത്തിൽ പങ്കെടുക്കാതിരുന്നതെന്ന് മുന്നണി കൺവീനർ ഇപി ജയരാജൻ. ആരോഗ്യ പ്രശ്നങ്ങള് കാരണമാണ് താന് പരിപാടിയില് പങ്കെടുക്കാതിരുന്നത്. ഇക്കാര്യം പാര്ട്ടിയെ അറിയിച്ച് മുന്കൂര് അവധി ലഭിച്ചിരുന്നുവെന്നും അദ്ദേഹം കൂട്ടിച്ചേര്ത്തു.രാജ്ഭവന് ധര്ണയില് ഇ.പി ജയരാജന്റെ അസാന്നിധ്യം ചർച്ചയായിരുന്നു തുടർന്നാണ് സ്വന്തം വീട്ടിൽ മാധ്യമ പ്രവർത്തകരെ വിളിച്ചുവരുത്തി വാർത്താ സമ്മേളനം നടത്തി കാര്യം വിശദീകരിച്ചത്.ഉപകരണങ്ങളുടെ സഹായത്തോടെയാണ് ഉറങ്ങാന് കഴിയുന്നത്. അലോപ്പതിയും ആയുര്വേദവുമൊക്കെ ചേര്ന്നുള്ള ചികിത്സയിലാണ് ഇപ്പോള്. മൂന്ന് ആഴ്ചത്തോളം ആശുപത്രിയില് ചികിത്സയിലായിരുന്നു. ഇക്കാര്യം മാധ്യങ്ങളെ അറിയിക്കേണ്ടതില്ലെന്ന് താന് തന്നെയാണ് പറഞ്ഞത്.. കൊവിഡിന് ശേഷം ചില ആരോഗ്യ പ്രശ്നങ്ങള് അലട്ടുന്നുണ്ട്. അസുഖങ്ങള് വര്ധിക്കുകയും ചെയ്തു.ആശുപത്രിയില് നിന്നും നേരത്തെ നിശ്ചയിച്ച പരിപാടികളില് പങ്കെടുത്തു. അത് ആരോഗ്യ സ്ഥിതി വഷളാക്കി. തുടര്ന്ന് നിയന്ത്രണങ്ങള് സ്വയം ഏര്പ്പെടുത്തിയെന്നും ഇ.പി പറഞ്ഞു.
