ജില്ലാ സമ്മേളനത്തോട് അനുബന്ധിച്ച് നടത്തിയ മെഗാതിരുവാതിര വിവാദമായതിന് പിന്നാലെ സിപിഎം തിരുവനന്തപുരം ജില്ലാസമ്മേളന വേദിയില് സമാപന സമ്മേളനത്തിന് മുന്നോടിയായി പ്രതിനിധികള്ക്കും പ്രവര്ത്തകര്ക്കുമായി ഗാനമേള. ടിപിആര് 30 ശതമാനത്തിന് മേലെ നില്ക്കുന്ന ജില്ലയില് പൊതുപരിപാടികള് പാടില്ലെന്ന കര്ശന നിര്ദേശം നിലനില്ക്കെയാണ് ഗാനമേള നടന്നത്.
പ്രതിനിധികള്ക്കൊപ്പം നേതാക്കളും റെഡ് വാളണ്ടിയര്മാരും പ്രാദേശിയ നേതാക്കളും സംഘാടകരും ഗാനമേള ആസ്വദിച്ചു. ജില്ലയില് ഒരുതരത്തിലുള്ള പൊതുപരിപാടിയും പാടില്ലെന്ന് ചീഫ് സെക്രട്ടറിയുടെയും ഇക്കാര്യത്തില് കളക്ടറുടെയും ഉത്തരവുണ്ട് .
കോവിഡ് നിയന്ത്രണങ്ങളുടെ പേരില് ഏറെ വിമര്ശനങ്ങള് കേള്ക്കേണ്ടിവന്ന ജില്ലാ സമ്മേളമായിരുന്നു തിരുവനന്തപുരത്തേത്. കോവിഡിനെത്തുടര്ന്നുണ്ടായ നിയന്ത്രണങ്ങളുടെ ഭാഗമായി പ്രകടനവും പൊതുവേദിയിലുള്ള പൊതുസമ്മേളനവും ഉപേക്ഷിച്ചിരുന്നു. നാല് പേർക്ക് കോവിഡ് പിടിപ്പെട്ട് കോവിഡ് ക്ലസ്റ്ററായി മാറിയതിന് പിന്നാലെയാണ് ഇതേ വേദിയിൽ തന്നെ ഗാനമേള സംഘടിപ്പിക്കപ്പെട്ടത്.
അതേസമയം കോവിഡ് നിയന്ത്രണം ലംഘിച്ച് ബിജെപി സമ്മേളനം നടത്തിയ സംഭവത്തില് പൊലീസ് കേസെടുത്തു. കണ്ടാലറിയാവുന്ന 1500 പേര്ക്കെതിരെയാണ് കേസെടുത്തത്. കോഴിക്കോട് മുതലക്കുളം മൈതാനത്താണ് ബിജെപി പൊതുയോഗം സംഘടിപ്പിച്ചത്. സംസ്ഥാന അധ്യക്ഷന് കെ സുരേന്ദ്രനാണ് പരിപാടി ഉദ്ഘാടനം ചെയ്തത്.
