കണ്ണൂര്: ഒട്ടകപ്പുറത്ത് വരന്, നടുറോഡില് പടക്കം പൊട്ടിക്കലും ബാന്ഡ് മേളവും, കല്യാണ ആഘോഷം അതിരുവിട്ടതോടെ വരനെതിരെ പൊലീസ് കേസെടുത്തു.
വാരം ചതുരക്കിണര് സ്വദേശി റിസ്വാനും ഒപ്പമുണ്ടായിരുന്ന ഇരുപത്തഞ്ചോളം പേര്ക്കുമാണ് കേസെടുത്തത്. ഒട്ടകപ്പുറത്തെത്തിയ വരനും സംഘവും മട്ടന്നൂര്-കണ്ണൂര് പാതയില് ഗതാഗത തടസ്സമുണ്ടാക്കിയിരുന്നു. പൊലീസെത്തിയാണ് സംഘത്തെ സ്ഥലത്തുനിന്ന് മാറ്റിയത്. അന്യായമായി സംഘം ചേര്ന്നതിനും ഗതാഗത തടസ്സമുണ്ടാക്കിയതിനുമാണ് ചക്കരക്കല് പൊലീസ് കേസെടുത്തത്. വഴിമുടക്കിയുളള കല്യാണ ഘോഷയാത്ര ആഘോഷത്തിന്റെ വീഡിയോകളും സമൂഹമാധ്യമങ്ങളില് വൈറലായിരുന്നു.