ചെറുപുഴ: സ്കൂള് വിട്ട് വീട്ടിലേക്ക് മടങ്ങുകയായിരുന്ന പ്രായപൂര്ത്തിയാകാത്ത പെണ്കുട്ടിക്ക് നേരെ നഗ്നത പ്രദര്ശനം നടത്തിയ സംഭവത്തില് യുവാവ് അറസ്റ്റില്. നിര്മാണ തൊഴിലാളി ആലക്കോട് വെള്ളാട്പാത്തന് പാറയിലെ കുന്നപ്പള്ളിക്കാട്ടില് ഹൗസില് ജോബി വര്ഗീസിനെ(39)യാണ് ചെറുപുഴ എസ്.ഐ എം.പി ഷാജി പോക്സോ കേസില് അറസ്റ്റ് ചെയ്തത്. 14ന് വൈകുന്നേരമാണ് സംഭവം.
സ്റ്റേഷന് പരിധിയിലെ സ്കൂള് വിദ്യാര്ത്ഥിനിക്ക് നേരെയാണ് ഇയാള് നഗ്നത പ്രദര്ശനം നടത്തിയത്. വീട്ടിലെത്തിയ കുട്ടി ബന്ധുക്കളോട് വിവരം പറയുകയും തുടര്ന്ന് ചെറുപുഴ പോലീസില് പരാതി നല്കുകയുമായിരുന്നു. പെണ്കുട്ടിയുടെ മൊഴി രേഖപ്പെടുത്തിയ പോലിസ് ഇയാളെ കണ്ടെത്താന് സ്ഥലത്ത് പരിശോധന നടത്തി. തുടര്ന്ന് ഇന്നലെ വൈകീട്ടോടെ പിടികൂടി പോക്സോ നിയമപ്രകാരം കേസെടുത്ത് അറസ്റ്റ് ചെയ്യുകയായിരുന്നു. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
