സിനിമാ ചര്‍ച്ചയ്ക്കിടെ സംവിധായകന്‍ ലൈംഗികാതിക്രമത്തിന് ശ്രമിച്ചെന്ന യുവ കഥാകൃത്തിന്റെ പരാതിയില്‍ സംവിധായകന്‍ വി.കെ. പ്രകാശില്‍ നിന്നും പൊലീസ് മൊഴിയെടുത്തു. കൊല്ലം പള്ളിത്തോട്ടം പൊലീസാണ് സംവിധായകനില്‍ നിന്നും മൊഴി രേഖപ്പെടുത്തിയത്.
സംഭവത്തില്‍ സത്യം തെളിയുമെന്ന് സംവിധായകന്‍ വി.കെ. പ്രകാശ് പ്രതികരിച്ചു. കേസില്‍ നിയപരമായി മുന്നോട്ട് പോകും. വിഷയത്തില്‍ ഗൂഢാലോചന ഉണ്ടോ എന്ന കാര്യം തനിക്ക് അറിയില്ല. കോടതിയുടെ മുന്നിലുള്ള വിഷയമായതിനാല്‍ ഇക്കാര്യത്തില്‍ കൂടുതല്‍ പ്രതികരിക്കാനില്ലെന്നും അദ്ദേഹം പറഞ്ഞു.
