പ്രിയാ വര്ഗീസിന്റെ നിയമന വിഷയം പരിഗണിക്കുന്നതിനിടെ എൻ എസ് എസ് പ്രവർത്തനവുമായി ബന്ധപ്പെട്ട് നടത്തിയ പരാമർശം ഓർക്കുന്നില്ലെന്ന് ഹൈക്കോടതി.കുഴിവെട്ട് എന്നൊരു കാര്യം പറഞ്ഞതായി പോലും ഓര്ക്കുന്നില്ല. നാഷണൽ സര്വ്വീസ് സ്കീമിൻ്റെ ഭാഗമായി പല കാര്യങ്ങളും അധ്യാപകര് ചെയ്തിട്ടുണ്ടാവാം. അതിൻ്റെ അധ്യാപന പരിചയമായി കണക്കാക്കാൻ പറ്റുമോ എന്നാണ് ഹൈക്കോടതി പരിശോധിച്ചത്. കക്ഷികൾ കോടതിയെ ശത്രുവായി കാണേണ്ട സാഹചര്യമില്ലെന്നും എൻഎസ്എസിനോട് കോടതിക്ക് യാതൊരു ബഹുമാനക്കുറവും ഇല്ലെന്നും ജസ്റ്റിസ് ദേവൻ രാമചന്ദ്രൻ പറഞ്ഞു.കുഴിവെട്ട് എന്ന കാര്യം പറഞ്ഞത് ഓർക്കുന്നില്ലെന്ന് വ്യക്തമാക്കിയ കോടതി . താനും എൻഎസ്എസിന്റെ ഭാഗമായിരുന്നുവെന്ന് ജസ്റ്റിസ് ദേവൻ രാമൻചന്ദ്രൻ പറഞ്ഞു. കഴിഞ്ഞ ദിവസമാണ് പ്രിയാ വര്ഗീസിനെതിരെ കോടതി രൂക്ഷമായ വിമര്ശനം നടത്തിയത്. ഇതിനിടെ എൻഎസ്എസ് കോർഡിനേറ്ററായി കുഴിവെട്ടിയത് അധ്യാപനപരിചയമായി കണക്കാക്കാൻ പറ്റുമോ എന്ന് കോടതി ചോദിച്ചതായി കഴിഞ്ഞ ദിവസം റിപ്പോർട്ടുകൾ വന്നിരുന്നു
