ബ്രിട്ടനിലെ മലയാളി നഴ്സ് അഞ്ജുവിന്റെ കൊലപാതകം ശ്വാസംമുട്ടിച്ചെന്ന് പൊലീസ്.കുട്ടികളുടെ മൃതദേഹം ഇന്ന് പോസ്റ്റ്മോർട്ടം ചെയ്യും. ഭർത്താവ് സാജുവിനെതിരെ കൊലക്കുറ്റം ചുമത്തുമെന്നും നിയമനടപടികൾ സ്വീകരിക്കുമെന്നും പൊലീസ് അഞ്ജുവിന്റെ കോട്ടയത്തുള്ള കുടുംബത്തെ അറിയിച്ചു.സാജു 72 മണിക്കൂർ കൂടി പൊലീസ് കസ്റ്റഡിയിൽ തുടരും.വൈക്കം മറവന്തുരുത്തിനടുത്ത് കുലശേഖരമംഗലം സ്വദേശിനിയായ നഴ്സ് അഞ്ജു, ആറു വയസുകാരന് മകന് ജീവ,നാലു വയസുകാരിയായ മകള് ജാന്വി എന്നിവരാണ് മരിച്ചത്. ബ്രിട്ടനിലെ കെറ്ററിംഗിലെ ആശുപത്രിയില് നഴ്സായി ജോലി ചെയ്യുകയായിരുന്നു അഞ്ജു. ഒന്നര വര്ഷം മുന്പാണ് കുടുംബം യുകെയില് എത്തിയത്. ബ്രിട്ടനിലെ കെറ്ററിംഗിലെ ആശുപത്രിയില് നഴ്സായി ജോലി ചെയ്യുകയായിരുന്നു അഞ്ജു. ജോലിക്ക് എത്താഞ്ഞതിനെ തുടര്ന്ന് സഹപ്രവര്ത്തകര് താമസ സ്ഥലത്ത് അന്വേഷിച്ചപ്പോള് വീട് അടഞ്ഞുകിടക്കുകയായിരുന്നു. തുടര്ന്ന് പൊലീസെത്തി വാതില് പൊളിച്ച് അകത്തു കയറിയപ്പോള് രക്തം വാര്ന്ന് മരിച്ചു കിടക്കുകയായിരുന്നു അഞ്ജു. കുഞ്ഞുങ്ങള്ക്ക് ജീവനുണ്ടായിരുന്നെങ്കിലും ആശുപത്രിയില് എത്തിച്ചപ്പോഴേക്കും മരിച്ചു. അതേസമയം മൃതദേഹം നാട്ടില് എത്തിക്കാൻ വേണ്ടത് മുപ്പത് ലക്ഷം രൂപയെന്ന് അഞ്ജുവിന്റെ അച്ഛൻ അശോകന് പറയുന്നു.എന്നാല് ഭീമമായ ഈ ചെലവ് താങ്ങാനാകാത്തതിനാല് മൃതദേഹം നാട്ടിലെത്തിക്കാന് സര്ക്കാരിന്റെ ഇടപെടലാണ് കുടുംബം ആവശ്യപ്പെടുന്നത്.
