തിരുവനന്തപുരം: കേരളത്തില് അതിശക്തമായ മഴ മുന്നറിയിപ്പ് നല്കി കേന്ദ്ര കാലാവസ്ഥാ വകുപ്പ്. ഇന്ന് മൂന്ന് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ഇന്ന് തിരുവനന്തപുരം കൊല്ലം പത്തനംതിട്ട ജില്ലകളില് അതിശക്തമായ മുന്നറിയിപ്പായ ഓറഞ്ച് പ്രഖ്യാപിച്ചു. നാല് ജില്ലകളില് യെല്ലോ അലര്ട്ട് നിലനില്ക്കുന്നുണ്ട്. ആലപ്പുഴ കോട്ടയം എറണാകുളം ഇടുക്കി ജില്ലകളിലാണ് യെല്ലോ അലേര്ട്ട്. ശ്രീലങ്കയ്ക്ക് സമീപമുള്ള ചക്രവാതചുഴിയുടെ സ്വാധീനത്താലാണ് സംസ്ഥാനത്ത് മഴ ശക്തി പ്രാപിക്കുന്നത്.
ശ്രീലങ്കക്ക് സമീപം സ്ഥിതിചെയ്യുന്ന ചക്രവാതചുഴിയുടെ സ്വാധീനത്തില് ഇടവിട്ടുള്ള കിഴക്കന് കാറ്റ് ശക്തി പ്രാപിക്കാന് സാധ്യതയുണ്ട്. കേരള, ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കേര്പ്പെടുത്തി.
