കേരള- തമിഴ്നാട് അതിര്ത്തിയില് മായം കലര്ന്ന പാല് പിടികൂടി. യൂറിയ കലര്ന്ന 12,700 ലിറ്റര് പാലാണ് പരിശോധനയില് പിടികൂടിയത്. മീനാക്ഷിപുരം ചെക്പോസ്റ്റില് നടത്തിയ പരിശോധനയിലാണ് പാല് പിടിച്ചെടുത്തത്. തമിഴ്നാട്ടില് നിന്നാണ് പാല് കൊണ്ടു വന്നത്.
പ്രാഥമിക പരിശോധനയില് പാലില് യൂറിയ കലര്ത്തിയതായി കണ്ടെത്തുകയായിരുന്നു. കൊഴുപ്പിതര പദാര്ത്ഥങ്ങളുടെ അളവ് വര്ധിപ്പിക്കനാണ് പാലില് മായം ചേര്ത്തത്. ക്ഷീര വികസന വകുപ്പാണ് പരിശോധന നടത്തിയത്. തുടര് നടപടിക്കായി പാല് ടാങ്കര് ഭക്ഷ്യ സുരക്ഷാ വകുപ്പിന് കൈമാറി.
ഓണം ഉള്പ്പെടെ ഉത്സവാഘോഷങ്ങള് ആരംഭിക്കാനിരിക്കേയാണ് ഇത്രയുമധികം മായം ചേര്ന്ന പാല് പിടിച്ചെടുത്തത്. വരുംദിവസങ്ങളില് ചെക്ക്പോസ്റ്റുകളില് പരിശോധന കര്ശനമാക്കണമെന്ന ആവശ്യം ഉയര്ന്നിട്ടുണ്ട്.
