പാലക്കാട്: കുത്തന്നൂരില് പ്രണയം നിരസിച്ചതിന് പെണ്കുട്ടിയുടെ വീട്ടിലേക്ക് പെട്രോള് ബോംബ് എറിഞ്ഞു. സംഭവത്തില് രണ്ടു യുവാക്കള് അറസ്റ്റിലായിട്ടുണ്ട്. കുത്തന്നൂര് സ്വദേശികളായ അഖില്, സുഹൃത്ത് രാഹുല് എന്നിവരാണ് അറസ്റ്റിലായത്. 17 കാരിയുടെ വീട്ടിലേക്ക് വ്യാഴാഴ്ച പുലര്ച്ചെ 1.30 നാണ് പെട്രോള് ബോംബ് എറിഞ്ഞത്.
പെണ്കുട്ടി പ്രണയം നിരസിച്ചതാണ് അഖിലിനെ പ്രകോപിതനാക്കിയത്. യൂട്യൂബ് നോക്കിയാണ് പെട്രോള് ബോംബ് ഉണ്ടാക്കാന് പ്രതികള് പഠിച്ചത്. പെട്രോള് ബോംബ് കത്താത്തതിനാല് വലിയ അപകടമാണ് ഒഴിവായി. പ്രതികള് സംഭവസമയത്ത് ലഹരി ഉപയോഗിച്ചിരുന്നതായി കുഴല്മന്ദം പൊലീസ് വ്യക്തമാക്കി.
