പ്ലസ് വൺ പരീക്ഷാ ടൈം ടേബിൾ ഉടൻ പ്രഖ്യാപിക്കാൻ വിദ്യാഭ്യാസ വകുപ്പ്.സംസ്ഥാനത്ത് വിദ്യാഭ്യാസ സ്ഥാപനങ്ങള് തുറക്കുന്നതിലും തീരുമാനം ഉടന് ഉണ്ടായേക്കും. സുപ്രീം കോടതി നിർദ്ദേശിച്ച ക്രമീകരണങ്ങൾ ഉറപ്പാക്കി പരീക്ഷ നടത്താനാണ് നീക്കം.വിദ്യാർത്ഥികൾക്ക് പരീക്ഷകൾക്കുള്ള ഇടവേള വർധിപ്പിച്ചുകൊണ്ട് തയ്യാറെടുപ്പിന് കൂടുതൽ സമയം ലഭിക്കുന്ന തരത്തിലായിരിക്കും പരീക്ഷ ടൈംടേബിൾ ക്രമീകരിക്കുക. പരീക്ഷാ നടത്തിപ്പ് സംബന്ധിച്ച് ഉച്ചയോടെ ഏകദേശ ധാരണയാകുമെന്നാണ് മന്ത്രി അറിയിച്ചത്.സുപ്രീം കോടതിയിൽ നിന്നും അനുകൂല ഉത്തരവുണ്ടായെങ്കിലും കരുതലോടെ പ്ലസ് വൺ പരീക്ഷനടത്താനാണ് ശ്രമം.
ഇന്നലെയാണ് പ്ലസ് വണ് പരീക്ഷ നടത്തുന്നതിന് സുപ്രീം കോടതി അനുമതി നല്കിയത്. കോവിഡ് മാനദണ്ഡങ്ങള് കര്ശനമായി പാലിച്ച് പരീക്ഷ നടത്താനാണ് നിര്ദേശം. സിബിഎസ്ഇ പരീക്ഷക്ക് അനുമതി നല്കാത്ത കോടതി സംസ്ഥാന സര്ക്കാരിന്റെ ഉറപ്പ് പരിഗണിച്ചാണ് പരീക്ഷക്ക് അനുമതി നല്കിയിട്ടുള്ളത്. ആയതിനാല് മുഖ്യമന്ത്രി പിണറായി വിജയന്റെ നേതൃത്വത്തില് ചേരുന്ന അവലോകന യോഗത്തിലായിരിക്കും ആവശ്യമായ നടപടികള് സംബന്ധിച്ച് തീരുമാനം ഉണ്ടാവുക.
