മുൻ മിസ് കേരളയടക്കം മൂന്ന് പേർ കാറപകടത്തിൽ മരിച്ച കേസിൽ കൂടുതല് പേരെ പോലീസ് ചോദ്യംചെയ്യുന്നു. ഒക്ടോബര് 31-ന് രാത്രി ഫോര്ട്ട്കൊച്ചിയിലെ നമ്പര് 18 ഹോട്ടലില് ഡി.ജെ. പാര്ട്ടിയില് പങ്കെടുത്ത ആറ് പേരെയാണ് പാലാരിവട്ടം പോലീസ് സ്റ്റേഷനില് ചോദ്യംചെയ്യുന്നത്.ഹോട്ടലിലെ രജിസ്റ്ററില്നിന്നാണ് പാര്ട്ടിയില് പങ്കെടുത്തവരെക്കുറിച്ചുള്ള വിവരങ്ങള് പോലീസിന് ലഭിച്ചത്. തുടര്ന്ന് ഇവരെ സ്റ്റേഷനിലേക്ക് വിളിച്ചുവരുത്തുകയായിരുന്നു. അതേസമയം അന്വേഷണം പ്രത്യേക സംഘത്തിന് കൈമാറും. എസിപി ബിജി ജോർജിന്റെ നേതൃത്വത്തിലാണ് പുതിയ അന്വേഷണ സംഘം.മോഡലുകളുടേത് അപകടമരണമാണെന്നും ദുരൂഹതയില്ലെന്ന പൊലീസ് വിശദീകരണത്തിന് പിന്നാലെയാണ് അന്വേഷണ ചുമതല ക്രെെംബ്രാഞ്ച് ഏറ്റെടുക്കുന്നത്.
കേസിൽ നിർണ്ണായകമായ ഹാർഡ് ഡിസ്ക് നശിപ്പിച്ചതിന് ഹോട്ടൽ 18 ഉടമ റോയി വയലാട്ടിനെ അടക്കം ആറ് പേരെ ഇന്നലെ പൊലീസ് അറസ്റ്റ് ചെയ്തിരുന്നു. അറസ്റ്റിലായ അഞ്ച് പേർ ഹോട്ടലിലെ ജീവനക്കാരാണ്.
അപകടം നടന്ന രാത്രിയിലെ ഹോട്ടലിലെ സിസിടിവി ദൃശ്യങ്ങൾ റോയിയുടെ നിർദേശപ്രകാരം ജീവനക്കാർ നശിപ്പിക്കുകയായിരുന്നു.പാര്ട്ടിക്കിടെ എന്താണ് സംഭവിച്ചത്, മുന് മിസ് കേരള വിജയികളും മറ്റുള്ളവരും തമ്മില് തര്ക്കങ്ങളുണ്ടായോ തുടങ്ങിയ വിവരങ്ങള് കണ്ടെത്തുകയാണ് പോലീസിന്റെ ലക്ഷ്യം. അൻസിയുടെ മരണത്തിനിടയാക്കിയ വാഹനാപകടത്തിൽ ഹോട്ടലുടമ റോയി വയലാട്ടിനെ സംശയിക്കുന്നുണ്ടെന്ന് കുടുംബം നൽകിയ പരാതിയിൽ പറയുന്നുണ്ട്. കേസില് പോലീസ് നേരത്തെ ചോദ്യംചെയ്ത സൈജു തങ്കച്ചന് മുന്കൂര് ജാമ്യം തേടി ഹൈക്കോടതിയെ സമീപിച്ചു. അറസ്റ്റ് തടയണമെന്ന് ആവശ്യപ്പെട്ടാണ് സൈജു മുന്കൂര് ജാമ്യഹര്ജി സമര്പ്പിച്ചിരിക്കുന്നത്.
