എറണാകുളം: തൃപ്പൂണിത്തുറ മാത്തൂര്‍ പാലത്തില്‍ ബൈക്ക് അപകടത്തില്‍ പെട്ട് രണ്ട് യാത്രികര്‍ക്ക് ദാരുണാന്ത്യം. വയനാട് സ്വദേശി നിവേദിത (21), കൊല്ലം സ്വദേശി സുബിന്‍ (19) എന്നിവരാണ് മരിച്ചത്. പുലര്‍ച്ചെ ഒന്നരയോടെയാണ് സംഭവം.
അമിത വേഗതയില്‍ എത്തിയ ബൈക്ക് നിയന്ത്രണം വിട്ട് പാലത്തിന്റെ കൈവരിയില്‍ ഇടിച്ചാണ് അപകടം. പൊലീസ് എത്തി ഇരുവരെയും ആശുപത്രിയില്‍ എത്തിച്ചെങ്കിലും ഇരുവരും മരണപ്പെടുകയായിരുന്നു. നിവേദിത കോള്‍ സെന്റര്‍ ജീവനക്കാരിയും സുബിന്‍ കോഫി ഷോപ്പ് ജീവനക്കാരനുമാണ്.
ഇരുവരുടെയും മൃതദേഹം എറണാകുളം ജനറല്‍ ആശുപത്രിയില്‍ സുക്ഷിച്ചിരിക്കുകയാണ്.
