സംസ്ഥാനത്ത് കോഴിക്കോട് ജില്ലയിൽ തുടങ്ങിയ ഇ സഞ്ജീവനി ഡോക്ടര് ടു ഡോക്ടര് സേവനങ്ങള് എല്ലാ ജില്ലകളിലേക്കും വ്യാപിപ്പിക്കുമെന്ന് ആരോഗ്യ മന്ത്രി വീണാ ജോര്ജ്.
കഴിഞ്ഞ ഒരു മാസത്തിനുള്ളില് കോഴിക്കോട് ജില്ലയില് മാത്രമായി 200ല് അധികം രോഗികള്ക്ക് സേവനം നല്കാന് കഴിഞ്ഞ ഈ പദ്ധതി വിജയകരമായതിനെ തുടര്ന്ന് പത്തനംതിട്ട, എറണാകുളം, മലപ്പുറം, ആലപ്പുഴ, കാസര്ഗോഡ്, കോട്ടയം തുടങ്ങിയ ആറ് ജില്ലകളില് കൂടി വ്യാപിപ്പിച്ചിരുന്നു.
പ്രാഥമിക ആരോഗ്യ കേന്ദ്രങ്ങളിലും കുടുംബാരോഗ്യ കേന്ദ്രങ്ങളിലും എന്സിഡി ക്ലിനിക്കുകളിലും എത്തുന്ന രോഗികള്ക്ക് വിദഗ്ധ ചികിത്സയ്ക്ക് ജില്ലാ ആശുപത്രികളിലും മെഡിക്കല് കോളജുകളിലും പോകാതെ ഈ കേന്ദ്രങ്ങളില് ഇരിന്നുകൊണ്ട് തന്നെ സ്പെഷ്യലിസ്റ്റ് ഡോക്ടര്മാരുടെ സേവനം ലഭ്യമാക്കാന് സാധിക്കും. അതുവഴി മെഡിക്കല് കോളജുകളിലെയും ജില്ലാ ആശുപത്രികളിലെയും തിരക്കുകള് കുറക്കാന് സാധിക്കുമെന്നും മന്ത്രി വ്യക്തമാക്കി.
ഇ സഞ്ജീവനി ഡോക്ടര് ടു ഡോക്ടര് ടെലി മെഡിസിന് സേവനം ഒരു ഹബ് ആന്ഡ് സ്പോക് മോഡലിലാണ് പ്രവര്ത്തിക്കുന്നത്. ഹബ് എന്നത് മെഡിക്കല് കോളജുകളിലെയും, ജില്ലാ ആശുപത്രികളിലെയും എല്ലാ സ്പെഷ്യലിസ്റ്റ് ഡോക്ടര്മാരും അടങ്ങിയ ഒരു പൂളാണ്. സ്പോക് എന്നത് താലൂക്ക് ആശുപത്രി, കുടുംബാരോഗ്യ കേന്ദ്രം, സാമൂഹിക ആരോഗ്യ കേന്ദ്രം, കുടുംബാരോഗ്യ ഉപകേന്ദ്രം എന്നിവയാണ്.
സ്പോക്കില് വരുന്ന രോഗികളെ മെഡിക്കല് കോളേജുകളിലേക്കും, ജില്ലാ ആശുപത്രികളിലേക്കും റെഫര് ചെയ്യേണ്ടി വരുന്ന സാഹചര്യത്തില് അവര്ക്ക് സ്പോക് ആശുപത്രിയില് ഇരിന്നുകൊണ്ട് തന്നെ മെഡിക്കല് കോളജുകളിലേയും ജില്ലാ ആശുപത്രികളിലേയും സ്പെഷ്യലിസ്റ്റ് ഡോക്ടര്മാരുടെ സേവനം ഉറപ്പാക്കാന് സാധിക്കും.സംസ്ഥാനത്തെ ഇ സഞ്ജീവനി ഡോക്ടര് ടു ഡോക്ടര് സേവനങ്ങള് എല്ലാ ജില്ലകളിലേക്കും വ്യാപിപ്പിക്കുമെന്ന് ആരോഗ്യ മന്ത്രി വീണാ ജോര്ജ്. തുടക്കത്തില് കോഴിക്കോട് ജില്ലയിലാണ് ഡോക്ടര് ടു ഡോക്ടര് സേവനം ആരംഭിച്ചത്. കഴിഞ്ഞ ഒരു മാസത്തിനുള്ളില് ഈ ജില്ലയില് മാത്രമായി 200ല് അധികം രോഗികള്ക്ക് സേവനം നല്കാന് കഴിഞ്ഞു. ഈ പദ്ധതി വിജയകരമായതിനെ തുടര്ന്ന് പത്തനംതിട്ട, എറണാകുളം, മലപ്പുറം, ആലപ്പുഴ, കാസര്ഗോഡ്, കോട്ടയം തുടങ്ങിയ ആറ് ജില്ലകളില് കൂടി വ്യാപിപ്പിച്ചിരുന്നു.
