
ബോബി ചെമ്മണ്ണൂരിന് എറണാകുളം ജില്ലാ ജയിലിൽ മധ്യമേഖലാ ജയിൽ ഡിഐജി പി.അജയകുമാറും ജയിൽ സൂപ്രണ്ട് രാജു ഏബ്രഹാമും വഴിവിട്ടു സഹായം ചെയ്തെന്നു കണ്ടെത്തിയ സംഭവത്തിൽ ജയില് അധികൃതര്ക്കെതിരേ അന്വേഷണ റിപ്പോര്ട്ട്. ജയില് മധ്യമേഖല ഡി.ഐ.ജി പി. അജയകുമാറിനെതിരേയും ജയില് സൂപ്രണ്ടിനെതിരേയും 20 ജയില് ജീവനക്കാരാണ് മൊഴി നല്കിയത്. അവരെ സ്വാധീനിക്കാനുള്ള ശ്രമവും നടന്നിരുന്നു.
തൃശ്ശൂര് സ്വദേശി ബാലചന്ദ്രനുള്പ്പെടെ മൂന്ന് വി.ഐ.പികള് ബോബി ചെമ്മണ്ണൂരിനെ സന്ദര്ശിച്ചുവെന്നും രജിസ്റ്ററില് അവര് പേര് രേഖപ്പെടുത്തിയില്ലെന്നുമാണ് റിപ്പോര്ട്ടില് പറയുന്നത്. ഇവര് ഒരു മണിക്കൂറോളം ബോബി ചെമ്മണ്ണൂരുമായി സമയം ചെലവഴിച്ചു. അന്വേഷണത്തിന്റെ ഭാഗമായി സി.സി.ടി.വി ദൃശ്യങ്ങള് അടക്കം പരിശോധിച്ചാണ് റിപ്പോര്ട്ട് തയ്യാറാക്കിയത് .