തൃശൂര്: തൃശൂരില് വീണ്ടും ജീവനെടുത്ത് റോഡിലെ കുഴി. തൃശൂര് അയ്യന്തോളില് ബൈക്ക് യാത്രക്കാരനായ യുവാവ് സ്വകാര്യ ബസിനിടയില്പ്പെട്ട് മരിച്ചു. ലാലൂര് എല്ത്തുരുത്ത് സ്വദേശി ആബേല് ചാക്കോയാണ് മരിച്ചത്. യുവാവ് ബൈക്കില് ജോലിക്ക് പോകുന്നതിനിടെ റോഡിലെ കുഴിയില് വീഴാതിരിക്കാന് വെട്ടിക്കുകയായിരുന്നു. ബാങ്ക് ജീവനക്കാരനാണ് മരിച്ച ആബേല്.
ബൈക്ക് വെട്ടിച്ചതോടെ ബസിടിച്ചുകയറുകയായിരുന്നു. ബസിനടിയില്പെട്ടാണ് മരണം. ബസ് അമിതവേഗതയിലായിരുന്നുവെന്ന് നാട്ടുകാര് ആരോപിച്ചു. ബസുകളുടെ അമിത വേഗതയും റോഡിലെ കുഴിയുമാണ് അപകടകാരണമെന്നാരോപിച്ച് നാട്ടുകാര് റോഡ് തടഞ്ഞ് പ്രതിഷേധിച്ചു. കൗണ്സിലര് മെഫി ഡെന്സന്റെ നേതൃത്വത്തിലാണ് നാട്ടുകാര് ബസുകള് തടഞ്ഞ് പ്രതിഷേധിക്കുന്നത്.
