കാഞ്ഞിരപ്പള്ളിയിൽ പൊലീസുകാരൻ പ്രതിയായ മാങ്ങ മോഷണ കേസ് ഒത്തു തീർപ്പാക്കാനുള്ള നടപടിയിൽ എതിർപ്പറിയിച്ച് പൊലീസ്.മോഷണം നടത്തിയ പ്രതി പൊലീസുകാരനാണ് എന്ന വസ്തുത ഗൗരവതരമെന്നും പൊലീസ് റിപ്പോർട്ടിൽ വ്യക്തമാക്കുന്നു.കാഞ്ഞിരപ്പള്ളി കോടതിയിൽ സമർപ്പിച്ച റിപ്പോർട്ടിലാണ് പൊലീസ് ഒത്തു തീർപ്പ് നീക്കത്തിൽ എതിർപ്പറിയിച്ചത്. കേസുമായി മുന്നോട്ട് പോകാന് താത്പര്യമില്ലെന്നും ഒത്തുതീര്ക്കാന് അനുമതി നല്കണമെന്നും ആവശ്യപ്പെട്ട് പോലീസുകാരന് മാങ്ങ മോഷ്ടിച്ച കടയുടെ ഉടമ കഴിഞ്ഞ ദിവസം കോടതിയില് അപേക്ഷ നല്കിയിരുന്നു. ഇതേതുടര്ന്ന് കാഞ്ഞിരപ്പള്ളി ജുഡീഷ്യല് മജിസ്ട്രേറ്റ് കോടതി പോലീസിനോട് റിപ്പോര്ട്ട് ആവശ്യപ്പെട്ടിരുന്നു. ഇതിന്റെ അടിസ്ഥാനത്തില് അന്വേഷണ ഉദ്യോഗസ്ഥനായ കാഞ്ഞിരപ്പള്ളി സിഐ ബുധനാഴ്ച കോടതിയില് സമര്പ്പിച്ച റിപ്പോര്ട്ടിലാണ് കേസ് പിന്വലിക്കരുതെന്ന് ആവശ്യപ്പെട്ടത്.കഴിഞ്ഞ മാസം മുപ്പതിനാണ് ഇടുക്കി എആര് ക്യാമ്പിലെ പൊലീസുകാരനായ പി വി ഷിഹാബ് കാഞ്ഞിരപ്പളളിയിലെ പഴക്കടയില് നിന്ന് മാമ്പഴം മോഷ്ടിച്ചത്. വില്പ്പനയ്ക്കായി ഇറക്കി വച്ച കിലോയ്ക്ക് അറുന്നൂറ് രൂപ വരുന്ന പത്ത് കിലോ മാങ്ങയാണ് ഷിഹാബ് കട്ടത്. സംഭവത്തിന്റെ സിസിടിവി ദൃശ്യങ്ങള് പ്രചരിച്ചതിന് പിന്നാലെ ഷിഹാബ് ഒളിവില് പോവുകയായിരുന്നു.
