ബി ജെ പി പ്രവർത്തകൻ രഞ്ജിത്ത് ശ്രീനിവാസനെ വെട്ടി കൊലപ്പെടുത്തിയ കേസിൽ 15 പ്രതികളും കുറ്റക്കാരെന്ന് കോടതി. മാവേലിക്കര അഡീഷണൽ സെഷൻസ് കോടതിയിൽ നടന്ന വിചാരണയിൽ ജസ്റ്റിസ് വി ജി ശ്രീദേവിയാണ് വിധി പുറപ്പെടുവിച്ചിട്ടുള്ളത്. അതി ക്രൂരമായ കൊലപാതകമാണ് നടന്നതെന്ന് ജസ്റ്റിസ് പറഞ്ഞു. 15 പ്രതികളിൽ എട്ടു പേർക്ക് നേരെ കൊലപാതക കുറ്റവും ബാക്കിയുള്ളവരുടെ നേരെ ക്രിമിനൽ ഗൂഢാലോചന കുറ്റവും തെളിഞ്ഞതായി വി ജി ശ്രീദേവി പറഞ്ഞു. ശിക്ഷാവിധി തിങ്കളാഴ്ച പറയും.
2021 നാണ് ഭാര്യയുടെയും വീട്ടിൽ അതിക്രമിച്ചു കയറി ഭാര്യയുടെയും, അമ്മയുടെയും മക്കളുടെയും മുൻപിൽ ഇട്ട് രഞ്ജിത്ത് ശ്രീനിവാസനെ എസ് ഡി പി ഐ പ്രവർത്തകർ വെട്ടി കൊലപ്പെടുത്തിയത്. എസ്ഡിപിഐ സംസ്ഥാന സെക്രട്ടറിയായിരുന്ന കെ എസ് ഷാന് കൊല്ലപ്പെട്ടതിന്റെ പ്രതികാരമായിട്ടാണ് രഞ്ജിത്ത് ശ്രീനിവാസനെ കൊലപ്പെടുത്തിയത്.
