മലപ്പുറം: മേല്മുറി മുട്ടിപ്പടിയില് ഓട്ടോറിക്ഷയും കെ.എസ്.ആര്.ടി.സി ബസും കൂട്ടിയിടിച്ച് ഒരു കുടുംബത്തിലെ മൂന്നുപേര് മരിച്ചു. മഞ്ചേരി പുല്പ്പറ്റ ഒളമതില് സ്വദേശികളായ അഷ്റഫ് (35), ഭാര്യ സാജിദ (37), മകള് ഫിദ (15) എന്നിവരാണ് മരിച്ചത്. വ്യാഴാഴ്ച ഉച്ചക്ക് 12.25ഓടെയാണ് അപകടം.
കോഴിക്കോട് ഭാഗത്തേക്ക് വന്ന കെ.എസ്.ആര്.ടി.സി ബസിലേക്ക് ഓട്ടോറിക്ഷ ഇടിച്ചുകയറുകയായിരുന്നു. ഓട്ടോയിലുണ്ടായിരുന്നവരാണ് മരിച്ചത്. സംഭവസമയം മഴയുണ്ടായിരുന്നു. മൃതദേഹങ്ങള് മഞ്ചേരി മെഡിക്കല് കോളേജ് ആശുപത്രിയില്.