ക്വട്ടേഷന് ക്ഷണിച്ചു
സംസ്ഥാന വിനോദസഞ്ചാര വകുപ്പും ജില്ലാ ടൂറിസം പ്രമോഷന് കൗണ്സിലും സംയുക്തമായി സംഘടിപ്പിക്കുന്ന 2022 ഓണാഘോഷത്തിന്റെ പരസ്യപ്രചരണത്തിന്റെ ഭാഗമായി സ്ഥാപനങ്ങളില് നിന്നും മത്സരാധിഷ്ഠിത ക്വട്ടേഷനുകള് ക്ഷണിച്ചു. ബ്രോഷര്, ഇന്വിറ്റേഷന് ലെറ്റര്, ബാഡ്ജ്, ടാഗ്, പ്രവേശന കവാടം ബാക്ക് ഡ്രോപ്പ്, കൊടികള്, ഓഫീസില് ആവശ്യത്തിനുള്ള വാഹനം, പ്രചരണം, വിളംബര വാഹനം തുടങ്ങിയവയ്ക്കുള്ള ക്വട്ടേഷന് ആഗസ്റ്റ് 29 ഉച്ചക്ക് 1 മണി വരെ കോഴിക്കോട് മാനാഞ്ചിറ ഡി.ടി.പി.സി ഓഫീസില് സ്വീകരിക്കും. അപേക്ഷ ഫോറം ഡി.ടി.പി.സി ഓഫീസില് നിന്നും ആഗസ്റ്റ് 29 വൈകിട്ട് 5 മണി വരെ കൈപ്പറ്റാവുന്നതാണ്. വിശദവിവരങ്ങള്ക്ക് 0495- 2720012. www.dtpckozhikode.com.
അപേക്ഷ ക്ഷണിച്ചു
കോഴിക്കോട് സിറ്റിയിലെ തീരദേശ പോലീസ് സ്റ്റേഷനുകളിലെ റെസ്ക്യൂ ബോര്ഡിലേക്ക് കരാര് അടിസ്ഥാനത്തില് 89 ദിവസത്തേക്ക് എന്ജിന് ഡ്രൈവര്, ലാസ്കര് എന്നീ തസ്തികകളിലേക്ക് നിയമനം നടത്തുന്നു. യോഗ്യത തെളിയിക്കുന്ന സര്ട്ടിഫിക്കറ്റ്, മെഡിക്കല് സര്ട്ടിഫിക്കറ്റ,് പോലീസ് വെരിഫിക്കേഷന് സര്ട്ടിഫിക്കറ്റ്, ബയോഡേറ്റ എന്നീ രേഖകള് അടങ്ങുന്ന അപേക്ഷകള് കോഴിക്കോട് സിറ്റി ജില്ലാ പോലീസ് മേധാവിയുടെ ഓഫീസില് ഡി.ഐ.ജി ആന്ഡ് ജില്ലാ പോലീസ് മേധാവി, സിറ്റി പോലീസ് ഓഫീസ്, പാവമണി റോഡ്, മാനാഞ്ചിറ പോസ്റ്റ്, കോഴിക്കോട് 673001. എന്ന വിലാസത്തില് നവംബര് 6 വൈകിട്ട് 5 മണിക്ക് മുന്പായി ലഭിക്കണം. ഫോണ്: 0495 2722673.
ജില്ലാ മിഷന് കോഡിനേറ്റര് നിയമനം
ഫിഷറീസ് വകുപ്പിന് കീഴില് തീരമൈത്രി പദ്ധതിയില് ജില്ലയില് ജില്ലാ മിഷന് കോഡിനേറ്റര് തസ്തികയില് ഒഴിവുണ്ട്. കരാര് അടിസ്ഥാനത്തിലാണ് നിയമനം. അവസാന തീയതി ഓഗസ്റ്റ് 25. ഫോണ്-9745100221.
അതിഥി അധ്യാപക നിയമനം
താനൂര് സി.എച്ച്.എം.കെ.എം ഗവ ആര്ട്സ് ആന്ഡ് സയന്സ് കോളേജില് 2022-23 അധ്യയന വര്ഷത്തേക്ക് ബിസിനസ്് മാനേജ്മെന്റ് വിഭാഗത്തില് അതിഥി അധ്യാപകരെ നിയമിക്കുന്നു (ആഴ്ചയില് 13 മണിക്കൂര്). യു.ജി.സി നിഷ്കര്ഷിച്ചിട്ടുള്ള യോഗ്യതയുള്ളവരും കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ കാര്യാലയത്തില് പേര് രജിസ്റ്റര് ചെയ്തിട്ടുള്ളവരുമായ ഉദ്യോഗാര്ഥികള് യോഗ്യതകള്, മുന്പരിചയം എന്നിവ തെളിയിക്കുന്നതിനുള്ള അസ്സല് സര്ട്ടിഫിക്കറ്റുകള് സഹിതം ഓഗസ്റ്റ് 26 ന് രാവിലെ 10 മണിക്ക് അഭിമുഖത്തിനായി കോളേജില് നേരിട്ട് ഹാജരാകേണ്ടതാണ്. നെറ്റ് യോഗ്യതയുള്ളവരുടെ അഭാവത്തില് പി.ജി (55%) യോഗ്യതയുള്ളവരെയും പരിഗണിക്കും. വിശദ വിവരങ്ങള്ക്ക് gctanur.ac.in സന്ദര്ശിക്കുക.
അപേക്ഷ ക്ഷണിച്ചു
വനിതാ ശിശുവികസന വകുപ്പിന് കീഴിലുള്ള ഐ.സി.ഡി.എസ് കുന്നമംഗലം കാര്യാലയത്തിന് പരിധിയിലെ കുന്നമംഗലം, പെരുമണ്ണ എന്നീ പഞ്ചായത്തുകളില് വര്ക്കര്മാരുടെയും ഹെല്പ്പര്മാരുടെയും ഒഴിവുകളിലേക്കും, പെരുവയല്, കുരുവട്ടൂര്, ചാത്തമംഗലം എന്നീ പഞ്ചായത്തുകളില് അങ്കണവാടി ഹെല്പ്പര്മാരുടെ ഒഴിവുകളിലേക്കും യോഗ്യരായവരില് നിന്നും അപേക്ഷ ക്ഷണിച്ചു. അപേക്ഷ കുന്നമംഗലം ഐ.സി.ഡി.എസ് ഓഫീസില് സ്വീകരിക്കുന്ന അവസാന തീയതി സെപ്തംബര് 18 വൈകിട്ട് 5 മണി.വിവരങ്ങള്ക്ക്: 0495 2800682.
അപ്രന്റീസ്മാരെ തെരഞ്ഞെടുക്കുന്നു
സംസ്ഥാന മലിനീകരണ നിയന്ത്രണ ബോര്ഡിന്റെ ജില്ലാ കാര്യാലത്തിലേക്ക് പോസ്റ്റ് ഗ്രാജുവേറ്റ് സയന്റിഫിക് അപ്രന്റീസ് മാരെ തെരഞ്ഞെടുക്കുന്നു. ഒരു അംഗീകൃത സര്വകലാശാലയില് നിന്നും കെമിസ്ട്രി/മൈക്രോ ബയോളജി/എന്വിയോണ്മെന്റ് സയന്സ് എന്നിവയില് ഏതെങ്കിലും വിഷയത്തില് 50 ശതമാനം മാര്ക്കില് കുറയാതെയുള്ള ബിരുദാനന്തര ബിരുദമാണ് യോഗ്യത. വിവരങ്ങള്ക്ക്: 9645073858.
ടെണ്ടര് ക്ഷണിച്ചു
വനിതാ ശിശു വികസന വകുപ്പിന്റെ കീഴിലുള്ള വടകര അര്ബന് ഐ.സി.ഡി.എസ് പ്രോജക്ടിലേക്ക് 2022 സെപ്റ്റംബര് മുതലുള്ള ഒരു വര്ഷത്തേക്ക് ഔദ്യോഗിക ആവശ്യങ്ങള്ക്കായി കരാര് വ്യവസ്ഥയില് കാര്/ജീപ്പ് തുടങ്ങിയ വാഹനം വാടകയ്ക്ക് ഓടിക്കുവാന് തയ്യാറുള്ള വാഹനം ഉടമകളില് നിന്നും സീല് വച്ച് ടെണ്ടറുകള് ക്ഷണിച്ചു. ആഗസ്റ്റ് 25 ഉച്ചക്ക് 2 മണി വരെ ടെന്ഡര് ഫോറം സ്വീകരിക്കും. വിവരങ്ങള്ക്ക്: 0496 2515176.
വനിതാ കമ്മീഷന് അദാലത്ത് ഓഗസ്റ്റ് 23ന്
കേരള വനിതാ കമ്മീഷന് അദാലത്ത് ഓഗസ്റ്റ് 23ന് രാവിലെ 10 മുതല് കലക്ടറേറ്റ് കോണ്ഫറന്സ് ഹാളില് നടക്കും. വനിതാ കമ്മീഷന് ചെയര്പേഴ്സണ് അഡ്വ.പി സതീദേവി പങ്കെടുക്കും.
ടൈപ്പിസ്റ്റ് നിയമനം
കണ്ണൂർ പരിയാരം സർക്കാർ ആയുർവേദ കോളേജിൽ ദിവസ വേതനാടിസ്ഥാനത്തിൽ ടൈപ്പിസ്റ്റിന്റെ നിയമനം നടത്തുന്നതിന് ഓഗസ്റ്റ് 23ന് രാവിലെ 11ന് ആയുർവേദ കോളേജ് പ്രിൻസിപ്പലിന്റെ ചേമ്പറിൽ കൂടിക്കാഴ്ച നടത്തും. എസ്.എസ്.എൽ.സിയും ഇംഗ്ലീഷ്, മലയാളം ടൈപ്പ് റൈറ്റിങ്ങിൽ (കെ.ജി.ടി.ഇ) ലോവർ ഗ്രേഡ് സർട്ടിഫിക്കറ്റും കമ്പ്യൂട്ടർ വേഡ് പ്രോസസിങ് സർട്ടിഫിക്കറ്റുകളും ഉണ്ടായിരിക്കണം. പ്രവൃത്തിപരിചയമുള്ളവർക്ക് മുൻഗണനയുണ്ട്. ജനനതീയതി, വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളുടെ പകർപ്പുകളും ആധാർകാർഡും സഹിതം കൂടിക്കാഴ്ചയ്ക്ക് ഹാജരാകണം.
ഭിന്നശേഷി മേഖലയിലെ ഗവേഷണത്തിന് ധനസഹായം
എൽ.ബി.എസ് സെന്ററിന്റെ നിയന്ത്രണത്തിൽ പ്രവർത്തിക്കുന്ന തിരുവനന്തപുരം പൂജപ്പുരയിലെ സെന്റർ ഓഫ് എക്സലൻസ് ഫോർ ഡിസെബിലിറ്റി സ്റ്റഡീസ് എന്ന സ്ഥാപനത്തിൽ സർക്കാർ /എയ്ഡഡ് / സർക്കാർ നിയന്ത്രിത സ്വാശ്രയ എൻജിനിയറിങ് കോളേജ് / മെഡിക്കൽ കോളേജ്, ആർട്സ് ആൻഡ് സയൻസ് കോളേജ്, പോളിടെക്നിക് എന്നീ സ്ഥാപനങ്ങളിലെ അധ്യാപകരിൽ നിന്നും ഭിന്നശേഷി വിഷയം അടങ്ങുന്ന ഗവേഷണത്തിന് ധനസഹായം നൽകുന്നതിന് അപേക്ഷ ക്ഷണിച്ചു. സ്വകാര്യ സ്വാശ്രയ കോളേജുകളിലെ പി.ജി/ ബി.ടെക്്/ ഡിപ്ലോമ വിദ്യാർഥികൾക്കും ഇതേ വിഷയത്തിൽ പ്രോജക്ട് ചെയ്യുന്നതിനു വേണ്ട ധനസഹായത്തിന് അപേക്ഷിക്കാം.
മേലധികാരി സാക്ഷ്യപ്പെടുത്തിയ അപേക്ഷകൾ സ്വീകരിക്കാനുള്ള അവസാന തീയതി ഓഗസ്റ്റ് 31 വരെ നീട്ടിയിട്ടുണ്ട്. വിശദവിവരങ്ങളും അപേക്ഷാഫോമും www.ceds.kerala.gov.in ൽ ലഭിക്കും. ഫോൺ: 0471 2345627, 8289827857.
ബി.ടെക് കോഴ്സുകൾക്ക് എൻ.ബി.എ അക്രഡിറ്റേഷൻ
തിരുവനന്തപുരം ബാർട്ടൺഹിൽ ഗവൺമെന്റ് എൻജിനിയറിങ് കോളജിന് സിവിൽ എൻജിനിയറിങ്, മെക്കാനിക്കൽ എൻജിനിയറിങ്, ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിങ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനിയറിങ് വിഭാഗങ്ങളിലെ ബി.ടെക് കോഴ്സുകൾക്ക് 2025 ജൂൺ 30 വരെ എൻ.ബി.എ അക്രഡിറ്റേഷൻ ലഭ്യമായി.
