മുതിര്ന്ന കമ്യൂണിസ്റ്റ് നേതാവും കേരളത്തിൻ്റെ മുൻ മുഖ്യമന്ത്രിയുമായ വിഎസ് അച്യൂതാനന്ദന് ഇന്ന് 98-ാം പിറന്നാള്. തിരുവനന്തപുരം ബാര്ട്ടൺഹില്ലിലെ വേലിക്കകത്ത് വീട്ടിൽ വിശ്രമത്തിൽ കഴിയവേയാണ് വിഎസ് അച്യുതാനന്ദൻ പിറന്നാള് ആഘോഷിക്കുന്നത്. വാര്ധക്യസഹജമായ ബുദ്ധിമുട്ടുകളെ തുടര്ന്ന് കഴിഞ്ഞ രണ്ട് വര്ഷമായി വിഎസ് ഇവിടെ വിശ്രമത്തിലാണ്.
കുടുംബാംഗങ്ങള് മാത്രം പങ്കെടുക്കുന്ന ലളിതമായ പിറന്നാളാഘോഷമായിരിക്കും വീട്ടിൽ നടക്കുക.2019 ഒക്ടോബറിൽ അദ്ദേഹം പുന്നപ്ര വയലാര് രക്തസാക്ഷിത്വ ദിനാചരണത്തിനായി എത്തിയിരുന്നു. ഇതിനു ശേഷം പെട്ടെന്ന് ആരോഗ്യനില മോശമായതോടെ പിറ്റേന്ന് അദ്ദേഹത്തെ ആശുപത്രിയിൽ പ്രവേശിപ്പിക്കുകയും ചെയ്തു. ഇതിനു ശേഷം ഡോക്ടര്മാരുടെ മുന്നറിയിപ്പ് അനുസരിച്ച് പൂര്ണവിശ്രമത്തിലാണ് വിഎസ്. തിരുവനന്തപുരത്ത് മകൻ വിഎ അരുൺകുമാറിൻ്റെ വീട്ടിലാണ് വിഎസിൻ്റെ വിശ്രമജീവിതം. എന്നാൽ ടിവി വാര്ത്തകള് കാണുന്നതും പത്രം വായിക്കുന്നതും തുടരുന്നുണ്ട്. കഴിഞ്ഞ സര്ക്കാരിൻ്റെ കാലത്ത് വിഎസിന് ഭരണപരിഷ്കാര കമ്മീഷൻ ചെയര്മാൻ പദവിയുണ്ടായിരുന്നെങ്കിലും ഈ വര്ഷം ജനുവരിയിൽ ഈ സ്ഥാനം ഒഴിഞ്ഞിരുന്നു.
