തലശ്ശേരി പുന്നോലില് സി.പി.എം പ്രവര്ത്തകന്റെ കൊലപാതകത്തിൽ നാലുപേര് കസ്റ്റഡിയില് വിവാദ പ്രസംഗം നടത്തിയ ബിജെപി കൗണ്സിലര് ലിജീഷിനെയും കസ്റ്റഡിയിലെടുക്കും. തലശ്ശേരി നഗരസഭാ കൗണ്സിലര് ലിജേഷാണ് പ്രകോപനപമായി പ്രസംഗിച്ചത്. ക്ഷേത്രത്തിലെ തര്ക്കത്തിനെത്തുടര്ന്ന് ബി.ജെ.പി നടത്തിയ പ്രതിഷേധ യോഗത്തിലായിരുന്നു പ്രകോപനപമായ പ്രസംഗം. കേസ് അന്വേഷണത്തിനായി പ്രത്യേക സംഘം രൂപീകരിച്ചു.കൊല്ലപ്പെട്ട ഹരിദാസിന്റെ ശരീരത്തില് ഇരുപതിലേറെ വെട്ടേറ്റിട്ടുണ്ട്. മുറിവുകളുടെ എണ്ണം കണക്കാക്കാന് പറ്റാത്ത വിധം വികൃതമാണ് ശരീരം. ഒരേ വെട്ടിൽ തന്നെ വീണ്ടും വെട്ടിയെന്നും ഇടതുകാൽ മുട്ടിന് താഴെ വെച്ച് മുറിച്ച് മാറ്റിയെന്നും ഇന്ക്വസ്റ്റ് നടപടികള് പൂര്ത്തിയായി വരികയാണെന്ന് പൊലീസ് അറിയിച്ചു. ഇന്ന് പുലര്ച്ചെയാണ് കൊരമ്പയില് താഴെ കുനിയില് ഹരിദാസന് കൊല്ലപ്പെട്ടത്. മത്സ്യത്തൊഴിലാളിയായ ഹരിദാസന് പുലര്ച്ചെ ജോലി കഴിഞ്ഞ് വരുമ്പോഴായിരുന്നു വെട്ടിക്കൊന്നത്. ഹരിദാസിന്റെ വീടിന് മുന്നില് കാത്തിരുന്ന സംഘമാണ് വെട്ടിക്കൊലപ്പെടുത്തിയത്. കാല് അറുത്തുമാറ്റിയ നിലയിലാണ്. ശരീരത്തില് നിരവധി വെട്ടുകളേറ്റിട്ടുണ്ട്.
