കണ്ണൂര്: മുഴപ്പിലങ്ങാട് ബിജെപി പ്രവര്ത്തകന് സൂരജ് വധക്കേസില് ഒന്നു മുതല് ഒന്പത് വരെ പ്രതികള് കുറ്റക്കാര്.പത്താം പ്രതിയെ വെറുതെ വിട്ടു. മുഖ്യമന്ത്രിയുടെ പ്രസ് സെക്രട്ടറി പി.എം മനോജിന്റെ സഹോദരന് മനോരജ് നാരായണന് , ടി പി കേസ് പ്രതി ടി.കെ രജീഷ് അടക്കമുള്ളവര് കുറ്റക്കാര്.തലശേരി ജില്ലാ സെഷന്സ് കോടതിയുടേതാണ് വിധി.കേസില് ശിക്ഷ വിധി തിങ്കളാഴ്ച പ്രഖ്യാപിക്കും.
പാര്ട്ടി വിട്ട് ബിജെപിയില് ചേര്ന്നതിന്റെ വൈരാഗ്യത്തില് ഒരു സംഘം സിപിഎം പ്രവര്ത്തകര് സൂരജിനെ വെട്ടിക്കൊലപ്പെടുത്തിയെന്നാണ് കേസ്. കേസില് 28 സാക്ഷികളെ വിസ്തരിച്ചു. കൊലപാതകം, ഗൂഢാലോചന എന്നീ കുറ്റം ചുമത്തി 12 സിപിഎം പ്രവര്ത്തകര്ക്കെതിരെയാണ് കേസ്. രണ്ടു പ്രതികള് സംഭവശേഷം മരിച്ചു. 2005 ആഗസ്റ്റ് ഏഴിന് രാവിലെ 8.40 ന് ഓട്ടോയിലെത്തിയ ഒരു സംഘം രാഷ്ട്രീയ വിരോധത്താല് സൂരജിനെ ബോംബെറിഞ്ഞ ശേഷം വെട്ടിക്കൊലപ്പെടുത്തി എന്നാണ് കേസ്.
