ശശി തരൂർ എം.പിയ്ക്ക് ശക്തമായ പിന്തുണയുമായി കെ. മുരളീധരൻ എം.പി. തരൂരിന്റെ മലബാര് സന്ദര്ശനവുമായി ബന്ധപ്പെട്ട പരിപാടികള്ക്ക് വിലക്ക് ഏര്പ്പെടത്തിയതിന് പിന്നില് ഗൂഡാലോചനയുണ്ടെന്ന് കെ മുരളീധരന് എപി പറഞ്ഞു.സംസ്ഥാന നേതൃത്വത്തിലെ മുഖ്യമന്ത്രി കുപ്പായം തയ്ച്ചുവെച്ച ചിലർക്ക് ഇതിൽ പങ്കുണ്ട്. ഇത് സംഭവിക്കൻ പാടില്ലാത്തതാണ്. അന്വേഷണം നടത്തേണ്ടത് അറിയാത്ത കാര്യം കണ്ടെത്താനാണ്. ഇവിടെ നടന്നത് എല്ലാവർക്കും അറിയാം. ഡി.സി.സി. പ്രസിഡന്റ് എല്ലാം എന്നെ ധരിപ്പിച്ചു. പരിപാടി മാറ്റിയതിൽ യൂത്ത് കോൺഗ്രസ് ജില്ലാ പ്രസിഡന്റിനെ കുറ്റപ്പെടുത്തില്ല. ഇതിന്റെ കാരണം അറിയാം, പാർട്ടി കാര്യമായതിനാൽ പുറത്ത് പറയില്ല, മുരളീധരന് പറഞ്ഞു. ഔദ്യോഗിമായി അറിയിച്ചിട്ടാണ് പരിപാടി സംഘടിപ്പിച്ചത്. പരിപാടികള്ക്ക് തടയിട്ടതിന്റ ഉദ്ദേശം മറ്റ് ചിലതാണ്.നേതാക്കൾക്ക് അറിയാം. അതിനാൽ അന്വേഷണം വേണമെന്ന അഭിപ്രായമില്ല. തരൂരിനെ വിലക്കേണ്ടതില്ല. വിലക്കിയതിനാൽ വലിയ വാർത്ത പ്രാധാന്യം കിട്ടി. ഇത് കോൺഗ്രസിന് നല്ലതല്ല.എഐസിസിക്ക് പരാതി നൽകാം. പക്ഷെ അന്വേഷണത്തിൽ കാര്യമില്ല.എല്ലാവർക്കും അറിയുന്ന കാര്യം അന്വേഷിക്കേണ്ടതില്ല മുരളീധരൻ പറഞ്ഞു.
