കോഴിക്കോട് : നല്ലളത്ത് ലഹരിമരുന്നുമായി രണ്ട് യുവാക്കള്‍ പിടിയില്‍. നല്ലളം സ്വദേശികളായ മുഹമ്മദ് സഫ്വാന്‍ (26), ഷര്‍ഷാദ് (26), എന്നിവരെയാണ് 2.373 കിലോഗ്രാം കഞ്ചാവ്, 3.77 ഗ്രാം എംഡിഎംഎ എന്നിവയോട് കൂടി പിടികൂടിയത്.
നല്ലളം മോഡേണ്‍ ബസാര്‍ വി കെ സി ബസ്റ്റോപ്പിന് പുറകുവശത്തെ കാടുപിടിച്ചു കിടക്കുന്ന പറമ്പിലെ ആളോഴിഞ്ഞ കെട്ടിടത്തില്‍ ലഹരി വില്പനയും ഉപയോഗവും നടക്കുന്നുണ്ടെന്ന് ഡാന്‍സാഫിന് ലഭിച്ച വിവരത്തിന്റെ അടിസ്ഥാനത്തില്‍ അസിസ്റ്റന്റ് കമ്മീഷണര്‍ കെ എ ബോസിന്റെ നേതൃത്വത്തിലുള്ള ഡാന്‍സാഫും, നല്ലളം പോലീസും ചേര്‍ന്ന് രണ്ട് യുവാക്കളെ പിടികൂടി.
സാമൂഹ്യ വിരുദ്ധര്‍ താവളമാക്കിയ കാടുപിടിച്ച് കിടക്കുന്ന പറമ്പിലെ പൊളിഞ്ഞു കിടക്കുന്ന കെട്ടിടത്തിലേക്ക് നാട്ടുകാരും മറ്റും പോകുവാന്‍ ഭയപ്പെട്ടിരുന്നു. അത്തരത്തില്‍ എത്തിപ്പെടാന്‍ പ്രയാസമുള്ള സ്ഥലത്തേക്ക് പോലീസ് വളരെ സാഹസികമായാണ് കടന്നുചെന്ന് പ്രതികളെ പിടികൂടിയത്.
നല്ലളം പോലീസ് സ്റ്റേഷന്‍ പരിധിയില്‍ ലഹരി വില്പനക്കാര്‍ പിടിമുറുക്കിയിട്ടുണ്ടെന്നുള്ളതിന്റെ അടിസ്ഥാനത്തില്‍ ഡെന്‍സാഫും നല്ലളം പോലീസും നിരീക്ഷണം ശക്തമാക്കിയത്. കഴിഞ്ഞമാസം നല്ലളം സ്റ്റേഷന്‍ പരിധിയില്‍ വാണിജ്യ അളവില്‍ MDMA കൈവശം വെച്ചതിന് മൂന്നു പേരെ ഡാന്‍സാഫും നല്ലളം പോലീസും പിടി കൂടിയിട്ടുള്ളതാണ്. ഡാന്‍സാഫ് എസ്. ഐ മനോജ് ഇടയേടത്ത്, അഖിലേഷ്. കെ,സുനോജ്, ഷിനോജ് എം, ലതീഷ്. എം. കെ , സരുണ്‍കുമാര്‍ , അതുല്‍.ഇ. വി, അഭിജിത്ത്. പി, ദിനീഷ്. പി കെ, മുഹമ്മദ് മഷ്ഹൂര്‍, നല്ലളം പോലീസ് സ്റ്റേഷന്‍ എസ് ഐ പ്രദീപ് എം,രതീഷ്. കെ. കെ,സിപിഒ മാരായ രജിന്‍, രജീഷ്, രഞ്ജിത്ത്, എന്നിവരാണ് അന്വേഷണ സംഘത്തില്‍ ഉണ്ടായിരുന്നത്.
