രാഹുല് ഗാന്ധിക്കെതിരേ രൂക്ഷവിമര്ശനവുമായി ആഭ്യന്തര മന്ത്രി അമിത് ഷാ. ബിജെപി അധികാരത്തില് വന്നതിനു ശേഷം ഇന്ത്യയില് ഉണ്ടായ വികസനം കാണമെങ്കില് ഇറ്റാലിയന് കണ്ണ ഊരിമാറ്റി, കണ്ണുതുറന്ന് നോക്കണമെന്ന് അമിത് ഷാ പറഞ്ഞു. അരുണാചല് പ്രദേശിലെ നാംസായില് പൊതുപരിപാടിയില് സംസാരിവെയാണ് അമിത് ഷായുടെ പ്രസ്താവന.” രാഹുല് ബാബ, ദയവായി നിങ്ങളുടെ കണ്ണുകള് തുറക്കുകയും ഇറ്റാലിയന് കണ്ണട ഊരിമാറ്റുകയും ചെയ്യൂ, അപ്പോള് നിങ്ങള്ക്കു കാണാം എട്ടുവര്ഷത്തിനിടയില് എന്താണ് സംഭവിച്ചതെന്ന്. ഈ എട്ടുവര്ഷംകൊണ്ട് ടൂറിസവും ക്രമസമാധാന പാലനവും ശക്തിപ്പെടുത്താന് സര്ക്കാരിനു കഴിഞ്ഞു. കഴിഞ്ഞ 50 വര്ഷമായി സാധിക്കാതിരുന്ന കാര്യങ്ങള് നടപ്പാക്കാന് പ്രധാനമന്ത്രി മോദിക്കും മുഖ്യമന്ത്രി പേമ ഖണ്ഡുവിനും സാധിച്ചു”, അമിത് ഷാ പറഞ്ഞു.
കോണ്ഗ്രസുകാര് തുടര്ച്ചയായി ചോദിച്ചുകൊണ്ടിരിക്കുന്നത് കഴിഞ്ഞ എട്ടു വര്ഷമായി മോദി സര്ക്കാര് എന്തു ചെയ്തു എന്നാണ്. കണ്ണുകള് അടച്ചുപിടിച്ചുകൊണ്ട് നോക്കിയാല് ഒരാള്ക്ക് വികസനം കാണാന് കഴിയുമോ? കണ്ണടച്ചുപിടിച്ച് വികസനം കാണാന് ശ്രമിക്കുകയാണ് കോണ്ഗ്രസുകാരെന്നും അമിത് ഷാ ആരോപിച്ചു.
യു.കെ സന്ദര്ശിക്കുന്ന രാഹുല് ഗാന്ധി, അവിടെ ബിജെപി സര്ക്കാരിനെതിരേ രൂക്ഷവിമര്ശനം നടത്തിയിരുന്നു.
