ആലപ്പുഴ പൊലീസ് ക്വാട്ടേഴ്സിലെ കൂട്ട ആത്മഹത്യയില് പൊലീസുകാരനായ റെനീസിന്റെ കാമുകി ഷഹാന അറസ്റ്റില്. രണ്ട് മക്കളെ കൊലപ്പെടുത്തി റെനീസിന്റെ ഭാര്യ നജ്ല ആത്മഹത്യ ചെയ്ത കേസില് കഴിഞ്ഞ ദിവസമാണ് ഷഹാനയെ പ്രതിചേര്ത്തത്. ആത്മഹത്യാ പ്രേരണ കുറ്റമാണ് ഇവര്ക്കെതിരെ ചുമത്തിയിരിക്കുന്നത്. അറസ്റ്റ് ചെയ്ത ഷഹാനയെ പൊലീസ് ക്വാര്ട്ടേഴ്സിലെത്തിച്ച് തെളിവെടുപ്പ് നടത്തി.
റെനീസിനെ കല്യാണം കഴിക്കാന് ഷഹാന സമ്മര്ദ്ദം ചെലുത്തി. നജ്ലയും മക്കളും ഒഴിയണം എന്നായിരുന്നു ആവശ്യം. അല്ലെങ്കില് ഭാര്യയായി താമസിക്കാന് നിര്ബന്ധിച്ചു. 6 മാസം മുമ്പ് ഫ്ളാറ്റില് എത്തി നജ്ലയെ ഭീഷണിപ്പെടുത്തി. ആത്മഹത്യ ചെയ്ത ദിവസവും ഷഹാന ഫ്ളാറ്റിലെത്തി വഴക്കിട്ടുവെന്നാണ് കണ്ടെത്തല്.
കേസില് റെനീസിനെതിരെ ഗുരുതര കുറ്റങ്ങള് പൊലീസ് ചുമത്തിയിരുന്നു. റെനീസിന്റെ പീഡനമാണ് ആത്മഹത്യയിലേയ്ക്ക് നയിച്ചതെന്നായിരുന്നു കണ്ടെത്തല്. കൂടുതല് സ്ത്രീധനം ആവശ്യപ്പെട്ട് നജ്ലയെ റെനിസ് നിരന്തരം പീഡിപ്പിച്ചിരുന്നതടക്കമുള്ള ഗുരുതരമായ കുറ്റങ്ങളാണ് റിമാന്ഡ് റിപ്പോര്ട്ടിലുള്ളത്.
