തിരുവനന്തപുരം: ഡോ. ഷഹനയുടെ ആത്മഹത്യയില് പ്രതിചേര്ക്കപ്പെട്ട റുവൈസിന് ഹൈക്കോടതി ജാമ്യം അനുവദിച്ചു. ഉപാധികളാടെയാണ് ഹൈക്കോടതി ജാമ്യം അനുവദിച്ചത്. പ്രതി ഇനിയും കസ്റ്റഡിയില് തുടരേണ്ട ആവശ്യമില്ലെന്ന് കോടതി പറഞ്ഞു. ഡിസംബര് 12 മുതല് റുവൈസ് ജുഡീഷ്യല് കസ്റ്റഡിയിലാണ്. പഠനം പൂര്ത്തിയാക്കാന് അനുവദിക്കണമെന്നും ഏത് ജാമ്യ വ്യവസ്ഥയും പാലിക്കാമെന്നുമാണ് റുവൈസ് വാദിച്ചത്.
ഷഹനയുടെ ആത്മഹത്യയില് പങ്കില്ലെന്നും മാധ്യമവാര്ത്തകളുടെ അടിസ്ഥാനത്തിലാണ് കേസെന്നുമാണ് റുവൈസ് ജാമ്യ ഹര്ജിയില് ആരോപിച്ചിരുന്നത്. പൊലീസിനെ വിമര്ശിച്ചതിന്റെ പ്രതികാരമാണ് തന്റെ അറസ്റ്റെന്നും കോടതിയില് റുവൈസിന്റെ അഭിഭാഷകന് വാദിച്ചിരുന്നു. പഠനത്തിന് ശേഷം വിവാഹം നടത്താനാണ് തീരുമാനിച്ചതെന്നും എന്നാല് വിവാഹം വേഗം വേണമെന്ന് ഷഹന നിര്ബന്ധിച്ചിരുന്നതായും റുവൈസിന്റെ ജാമ്യാപേക്ഷയിലുണ്ട്.
