ആശുപത്രി കോമ്പൗണ്ടിനുള്ളിൽ പരിപാടികൾ സംഘടിപ്പിക്കുന്നതിന് പുതിയ മാർഗ നിർദേശങ്ങൾ പുറത്തിറക്കി ആരോഗ്യ വകുപ്പ്. ആശുപത്രി കോമ്പൗണ്ടിനടുത്ത് പരിപടികള് നടത്തുമ്പോള് വലിയ ശബ്ദഘോഷങ്ങളോ കരിമരുന്ന് പ്രയോഗമോ പാടില്ല. രോഗീ സൗഹൃദമായിരിക്കണം. രോഗികള്, കുഞ്ഞുങ്ങള്, ഗര്ഭിണികള് തുടങ്ങിയവര്ക്ക് ഒരു തരത്തിലും അസ്വസ്ഥതകള് ഉണ്ടാക്കാന് പാടില്ല എന്നിവയെല്ലാം പുതിയ മാർഗനിർദേശങ്ങളിൽ ഉൾപ്പെടുന്നു. .
രോഗികള്ക്കോ കൂട്ടിരിപ്പുകാര്ക്കോ പ്രയാസം നേരിടാതിരിക്കാന് ആശുപത്രി അധികൃതര് പ്രത്യേകം ശ്രദ്ധിക്കേണ്ടതാണ്. ആരോഗ്യ വകുപ്പുമായി ബന്ധപ്പെട്ട വികസന പ്രവര്ത്തനങ്ങളുടെ ഭാഗമായും അല്ലാതെയുമുള്ള പരിപാടികള് ആശുപത്രി കോമ്പൗണ്ടിനുള്ളില് സംഘടിപ്പിക്കുമ്പോള് സര്ക്കുലറിലെ മാര്ഗനിര്ദേശങ്ങള് കര്ശനമായി പാലിക്കണമെന്ന് ആരോഗ്യ മന്ത്രി വീണാ ജോര്ജ് നിര്ദേശം നല്കി.
