കൊല്ലം വിസ്മയ കേസിൽ ഇന്ന് വിധി. പ്രതി കിരൺ കുമാറിന്പരമാവധി പത്ത് വർഷം വരെ തടവ് ലഭിക്കുമെന്നാണ് വാദി ഭാഗത്തിന്റെ കണക്കുകൂട്ടൽ. നാല് മാസത്തോളം നീണ്ട വിചാരണയ്ക്ക് ശേഷമാണ് കേസില് കോടതി വിധി പറയുന്നത്. വിസ്മയയുടെ ഭർത്താവും മോട്ടോര്വാഹനവകുപ്പില് എഎംവിഐയും ആയിരുന്ന കിരണ് കുമാറാണ് കേസിലെ ഒന്നാം പ്രതി. ശാരീരികമായും മാനസികമായും പീഡിപ്പിച്ചതിനെ തുടര്ന്ന് 2021 ജൂണ് 21ന് ഭര്ത്തൃ ഗൃഹത്തില് വിസ്മയ ആത്മഹത്യ ചെയ്തെന്നാണ് കേസ്. സ്ത്രീധനമായി നല്കിയ കാറില് തൃപ്തനല്ലാത്തതിനാലും വാഗ്ദാനം ചെയ്ത സ്വര്ണം ലഭിച്ചില്ലെന്നും പറഞ്ഞ് ക്രൂരമായ പീഡനത്തിന് ഇരയാക്കുകയായിരുന്നു. സ്ത്രീധന പീഡനം, ആത്മഹത്യാ പ്രേരണ, പരിക്കേല്പ്പിക്കല്, ഭീഷണിപ്പെടുത്തല്, സ്ത്രീധനം ആവശ്യപ്പെടല് എന്നീ കുറ്റകൃത്യങ്ങള് കിരണ് കുമാര് ചെയ്തെന്നാണ് പ്രോസിക്യൂഷന് ആരോപണം.
പ്രോസിക്യൂഷന് വേണ്ടി 41 സാക്ഷികളെയും തെളിവായി 118 രേഖകളും12 തൊണ്ടി മുതലുകളും കോടതിയിൽ ഹാജരാക്കിയിട്ടുണ്ട്.
