തൃക്കാക്കര ഉപതെരഞ്ഞെടുപ്പില് എല്ഡിഎഫ് സ്ഥാനാര്ഥി ജോ ജോസഫിനായി പ്രചരണം നടത്തി കവിയും ആഭിനേതാവുമായ ബാലചന്ദ്രന് ചുള്ളിക്കാട്. എളമക്കര മേനോന്പറമ്പ് മേഖലയില് പ്രചാരണം നടന്നത്.
ചുള്ളിക്കാടിന്റെ നേതൃത്വത്തിലുള്ള സാംസ്കാരിക പ്രവര്ത്തകരുടെ നേതൃത്വത്തിലാണ് വീടുകള് കയറി ഇടതുപക്ഷ സ്ഥാനാര്ത്ഥിക്കായി വോട്ടു ചോദിച്ചത്.
പ്രചാരണത്തില് മാധ്യമപ്രവര്ത്തകന് എന് മാധവന്കുട്ടി, അസി. പ്രൊഫസര് വി ആര് പ്രമോദി, പൊന്നാനി എംഎല്എ നന്ദകുമാര് എന്നിവര് പങ്കെടുത്തു. മണ്ഡലത്തിന്റെ അടിസ്ഥാന സൗകര്യ വികസനത്തിനാണ് പ്രാധാന്യമെന്നും തൃക്കാക്കര മണ്ഡലത്തിന്റെ വികസനത്തിന് എല്ഡിഎഫിന് വോട്ട് ചെയ്യണമെന്നും ചുള്ളിക്കാട് വോട്ടര്മാരോട് അഭ്യര്ഥിച്ചു.
മണ്ഡലത്തിന്റെ പൊതുവായ ആവശ്യം നടപ്പാകണമെങ്കില് എല്ഡിഎഫ് ജയിക്കണമെന്നും അദ്ദേഹം പറഞ്ഞു. വോട്ടര് എന്ന നിലയിലും അനുഭാവി എന്ന നിലയിലുമാണ് പ്രചാരണത്തില് പങ്കെടുത്തതെന്നും എല്ലാ തെരഞ്ഞെടുപ്പിലും എല്ഡിഎഫിനായി പ്രവര്ത്തിക്കാറുണ്ടെന്നും അദ്ദേഹം അറിയിച്ചു.
